ოფის მენეჯერი
Nuctech Company Limited არის უსაფრთხოების შემოწმების მოწინავე ტექნოლოგიებისა და ინტეგრირებული გადაწყვეტილებების გლობალური ლიდერი, რომლის პროდუქცია გამოიყენება საავიაციო უსაფრთხოების, საბაჟო კონტროლის, საზღვრის დაცვის, საზოგადოებრივი უსაფრთხოებისა და კრიტიკული ინფრასტრუქტურის დაცვის სფეროებში.
1997 წელს დაარსებული "Nuctech Company Limited" დღეს ოპერირებს 170-ზე მეტ ქვეყანაში და რეგიონში, აერთიანებს მოწინავე საინჟინრო გადაწყვეტილებებს, ხელოვნურ ინტელექტსა და მასშტაბურ ინფრასტრუქტურულ ტექნოლოგიებს, რაც მას უსაფრთხოების ინსპექტირების ტექნოლოგიების ერთ-ერთ გლობალურ ლიდერად აქცევს.
"Nuctech Georgia LLC" წარმოადგენს კომპანიის რეგიონულ წარმომადგენლობას, რომელიც პასუხისმგებელია საქართველოში და კავკასიის რეგიონში (სომხეთი, აზერბაიჯანი) მაღალი ტექნოლოგიის უსაფრთხოების სკანირების სისტემების დანერგვაზე, ექსპლუატაციასა და ტექნიკურ მომსახურებაზე. კომპანია მჭიდროდ თანამშრომლობს სახელმწიფო უწყებებთან, აეროპორტებთან, საბაჟო ორგანოებთან და საერთაშორისო პარტნიორებთან.
პოზიციის მიმოხილვა
ოფის მენეჯერის პოზიციაზე თქვენ უზრუნველყოფთ Nuctech Georgia LLC-ის ოფისის ყოველდღიური საქმიანობის ეფექტურ მხარდაჭერას, ორგანიზებულ და გამართულ სამუშაო გარემოს. თქვენ პასუხისმგებელი იქნებით ოფისის ადმინისტრაციულ მართვაზე, შესყიდვებზე, მომწოდებლებთან კოორდინაციაზე და ზოგად ადმინისტრაციულ მხარდაჭერაზე, ასევე საჭიროების შემთხვევაში თანამშრომლების ონბორდინგის, შიდა ღონისძიებებისა და მივლინებების ორგანიზების მხარდაჭერაზე. ამ პოზიციისთვის საჭიროა ორგანიზებული, პროაქტიული და პასუხისმგებლობიანი პროფესიონალი, რომელსაც შეუძლია ერთდროულად რამდენიმე საოპერაციო ამოცანის ეფექტურად მართვა და მაღალი ყურადღება აქვს დეტალების მიმართ.
პირობები:
- მდებარეობა: ILIYARD Business Center, ვაკე, თბილისი
- სამუშაო საათები: ორშაბათი - პარასკევი | 09:00 - 18:00 | ოფისიდან მუშაობა
- ხელფასი: 1500-1800 ლარი (გამოცდილების შესაბამისად)
ძირითადი მოვალეობები
ოფისის გამართული ფუნქციონირება და წესრიგი
- ოფისის სისუფთავისა და წესრიგის უზრუნველყოფა დასუფთავების სერვისთან კოორდინაციით.
- ოფისის ტექნიკის გამართულობის მონიტორინგი და საჭიროების შემთხვევაში შეკეთების ორგანიზება.
- საოფისე გარემოს კონტროლი (მარაგები, თანამშრომელთა კომფორტი, ინფრასტრუქტურულ საკითხებზე რეაგირება).
შესყიდვები
- საოფისე ტექნიკის, ავეჯის, IT აქსესუარებისა და სახარჯი მასალების შესყიდვის პროცესის მართვა.
- მომწოდებლების შედარება და ხარჯთეფექტური შესყიდვების უზრუნველყოფა.
- საოფისე აქტივებისა და მარაგების აღრიცხვა.
- მიწოდებების, ინვოისებისა და მომწოდებლებთან შეთანხმებების კონტროლი.
მომწოდებლებთან და ინფრასტრუქტურასთან მუშაობა
- ბიზნეს ცენტრის ადმინისტრაციასთან კოორდინაცია კომუნალური მომსახურების, შეკეთებისა და დაშვების საკითხებზე.
- გარე სერვის-პროვაიდერებთან ურთიერთობა (ინტერნეტი, დასუფთავება, ტექნიკური მომსახურება და სხვა).
ხარჯების აღრიცხვა (ფინანსური მხარდაჭერა)
- ოფისთან დაკავშირებული ხარჯების აღრიცხვა და მარტივი ანგარიშების მომზადება.
- ინვოისების შეგროვება და ბუღალტერიაში გადაგზავნა.
შიდა კოორდინაცია
- ახალი თანამშრომლების ონბორდინგის მხარდაჭერა (სამუშაო სივრცის ორგანიზება).
- შიდა შეხვედრებისა და ღონისძიებების ორგანიზებაში მონაწილეობა.
- თანამშრომლების ადმინისტრაციული მხარდაჭერა საოფისე და საოპერაციო საკითხებთან დაკავშირებით.
- საჭიროების შემთხვევაში მივლინებების ორგანიზებაში მონაწილეობა, მათ შორის ავიაბილეთებისა და სასტუმროების მოძიება და დაჯავშნა.
მოთხოვნები
- უმაღლესი განათლება (სასურველია ადმინისტრირების, ბიზნესის ან მენეჯმენტის მიმართულებით).
- მსგავს პოზიციაზე მუშაობის მინიმუმ 2-წლიანი გამოცდილება.
- ძლიერი ორგანიზაციული და კომუნიკაციის უნარები.
- MS Office-ის (Word, Excel, Outlook და სხვა) კარგი ცოდნა.
- პასუხისმგებლობის მაღალი დონე და დეტალებზე ორიენტირებულობა.
- მრავალამოცანიან გარემოში ეფექტურად მუშაობის უნარი.
- ქართული და რუსული ენების ცოდნა სავალდებულოა; ინგლისური ენის ცოდნა ჩაითვლება უპირატესობად.
