მძიმე სამშენებლო ტექნიკის გაყიდვების მენეჯერი- მცხეთა — ელიტ მოტორსი

შპს "ელიტ მოტორსი" (Elite Motors LLC) აცხადებს ვაკანსიას მძიმე სამშენებლო ტექნიკის გაყიდვების მენეჯერის თანამდებობაზე.

სამუშაო გრაფიკი: ორშაბათი-პარასკევი: 09:00-18:00, შაბათი: 09:00-14:00
სამუშაო ლოკაცია: მცხეთა, თბილისი-სენაკი-ლესელიძის გზატკეცილი (წიწამური)
ანაზღაურება: ფიქსირებული (კვალიფიკაციის მიხედვით) + კვარტალური ბონუსი

კომპანიის შესახებ

"ელიტ მოტორსი" 2008 წლიდან არის პრემიუმ კლასის მძიმე სამშენებლო ტექნიკის, ინდუსტრიული დანადგარებისა და გენერატორების ოფიციალური იმპორტიორი და დილერი საქართველოში. ჩვენი პორტფოლიო მოიცავს ისეთ გლობალურ ბრენდებს, როგორებიცაა Volvo Construction Equipment, Merlo, Mecalac, Atlas Copco, Genie, Emsa Generator და Wacker Neuson. ჩვენი მიზანია ინფრასტრუქტურული პროექტების უზრუნველყოფა პრემიუმ ხარისხის ტექნიკითა და შემდგომ ავტორიზებული სერვისით.

ძირითადი ფუნქცია-მოვალეობები:

• Volvo CE-ს და სხვა ბრენდების მძიმე ტექნიკის (ექსკავატორები, დამტვირთავები, სატკეპნები, გენერატორები) აქტიური გაყიდვები (B2B მიმართულებით).
• არსებულ კლიენტებთან (დეველოპერები, სამშენებლო და საგზაო კომპანიები) ურთიერთობის შენარჩუნება და ახალი პარტნიორების მოზიდვა.
• სამშენებლო ობიექტებსა და ოფისებში რეგულარული ვიზიტები, კლიენტის საჭიროებების ადგილზე შესწავლა.
• კლიენტისთვის ტექნიკის სპეციფიკაციების, მწარმოებლის გარანტიებისა და ექსპლუატაციის პირობების პროფესიონალური გაცნობა.
• სახელმწიფო და კერძო შესყიდვების/ტენდერების მონიტორინგი, სატენდერო დოკუმენტაციის მომზადება.
• ინდივიდუალური საფასო პოლიტიკის, სალიზინგო პირობებისა და შიდა განვადების შეთავაზებების მომზადება.
• ხელშეკრულებების გაფორმება, მიღება-ჩაბარების აქტების კონტროლი და დებიტორული დავალიანებების მონიტორინგი.
• ყოველკვირეული და ყოველთვიური ანგარიშების წარმოება CRM სისტემაში და უშალო ხელმძღვანელთან.

საკვალიფიკაციო მოთხოვნები:

• მინიმუმ 2-წლიანი წარმატებული გამოცდილება გაყიდვებში. მძიმე სამშენებლო, სასოფლო-სამეურნეო ტექნიკის, ავტონაწილების ან საპოხი მასალების სფეროში მუშაობა ჩაითვლება უპირატესობად.
• უმაღლესი განათლება (ბიზნესის ადმინისტრირება, მარკეტინგი, ან საინჟინრო/ტექნიკური მიმართულება).
• ინგლისური და რუსული ენების ფლობა საკომუნიკაციო დონეზე (უცხოელ პარტნიორებთან კომუნიკაციისთვის).
• MS Office და CRM პროგრამებში მუშაობის გამოცდილება.
• B კატეგორიის მართვის მოწმობა.

კომპეტენციები და პიროვნული თვისებები:

• მაღალი დონის მოლაპარაკებების წარმოებისა და დარწმუნების უნარი.
• პრეზენტაციული და საჯარო გამოსვლის უნარ-ჩვევები.
• ანალიტიკური აზროვნება და ფინანსური მაჩვენებლების (მარჟა, თვითღირებულება) გაგების უნარი.
• სტრესულ გარემოში სწრაფი და დამოუკიდებელი გადაწყვეტილებების მიღების უნარი.
• გუნდურობა, ორგანიზებულობა და მაღალი პასუხისმგებლობის გრძნობა.

რას გთავაზობთ "ელიტ მოტორსი":

• სტაბილურ სამუშაო გარემოს მზარდ და წარმატებულ კომპანიაში.
• ფიქსირებულ ანაზღაურებას + ინდუსტრიაში ერთ-ერთ ყველაზე მაღალ ბონუსს გაყიდვებიდან (საკომისიო სისტემა).
• სამსახურებრივ ავტომობილს, საწვავის ლიმიტსა და კორპორაციულ მობილურ ნომერს.
• ჯანმრთელობის კორპორაციულ დაზღვევას.
• პროფესიულ ტრენინგებს, მათ შორის Volvo CE-ს და სხვა საერთაშორისო მწარმოებლების ონლაინ და ოფლაინ სასწავლო პროგრამებს.

კომპანია "ელიტ მოტორსი" იცავს დისკრიმინაციის აკრძალვის პრინციპებს და კანდიდატებს არჩევს მხოლოდ პროფესიული ნიშნით.