ლოჯისტიკის სპეციალისტი
"F.S. Mackenzie" სათავეს იღებს 1950-იანი წლებიდან ინგლისში და დღეს წარმოადგენს საერთაშორისო ლოგისტიკის სფეროში მრავალწლიანი გამოცდილების მქონე ერთ-ერთ წამყვან ორგანიზაციას. კომპანიის წარმომადგენლობები მოიცავს მსოფლიოს სხვადასხვა ქვეყანას — ევროპიდან აზიამდე, პარტნიორული ქსელი კი მთელს მსოფლიოს, რაც უზრუნველყოფს საიმედო და ეფექტურ ლოგისტიკურ მომსახურებას საერთაშორისო დონეზე.
იხილეთ კომპანიის ვებგვერდი: www.fsmlogistics.com
საქართველოს წარმომადგენლობაში - "F.S. Mackenzie Georgia", ვეძებთ გამოცდილ ლოგისტიკის სპეციალისტს.
ძირითადი მოვალეობები:
- მიღებული სატრანსპორტო მოთხოვნების დამუშავება და შეთავაზების გაკეთება;
- შეკვეთების პროგრამაში შეყვანა და აღრიცხვა;
- კომპანიის შიდა და პარტნიორულ ქსელთან ურთიერთობა და გადაზიდვების კოორდინაცია;
- კლიენტებთან კომუნიკაცია და მიმდინარე სტატუსების განახლება;
- სატრანსპორტო, საბაჟო და კომერციული დოკუმენტაციის შესაბამისობის კონტროლი;
- კლიენტებისგან მისაღები და აგენტებისთვის ჩასარიცხი თანხების მონიტორინგი;
- მაღალი ხარისხის მომსახურების გაწევა და კლიენტებთან გრძელვადიანი ურთიერთობის შენარჩუნება.
საკვალიფიკაციო მოთხოვნები:
- უმაღლესი განათლება;
- ლოგისტიკის და გადაზიდვების სფეროში მუშაობის მინიმუმ 3 წლიანი გამოცდილება;
- საზღვაო გადაზიდვების მიმართულებით გამოცდილება. დამატებით, საჰაერო, სახმელეთო ან/და სარკინიგზო გადაზიდვებში გამოცდილება ჩაითვლება უპირატესობად;
- ინგლისური და რუსული ენების ცოდნა სამუშაო დონეზე;
- Microsoft Office პროგრამების ცოდნა აუცილებელია. სასურველია ERP სისტემებში მუშაობის გამოცდილება.
პიროვნული უნარები:
- დეტალებზე ორიენტირებული;
- პასუხისმგებლობიანი და ყურადღებიანი;
- პარალელური ამოცანების ეფექტურად მართვა;
- სამუშაოს დაგეგმვა და დროის ეფექტური მართვა;
- გუნდურად მუშაობა და კოორდინაცია.
ჩვენ გთავაზობთ:
- კონკურენტულ ანაზღაურებას;
- ჯანმრთელობის დაზღვევას;
- პროფესიული განვითარების შესაძლებლობას;
- მზარდ კომპანიაში და მეგობრულ გუნდში მუშაობის შესაძლებლობას.
თუ დაინტერესებული ხართ შემოგვიერთდეთ, გთხოვთ, გამოგვიგზავნოთ რეზიუმე შემდეგ მისამართზე: vacancy@fsmac.ge. გთხოვთ აუცილებლად მიუთითოთ ვაკანსია მეილის სათაურში.
სასიამოვნო იქნება თუ გახდებით ჩვენი გუნდის ახალი წევრი.