კორპორაციული გაყიდვების აგენტი — SuperLunch

კორპორაციული კვების კომპანია "SuperLunch"-ი ეძებს კორპორაციული გაყიდვების აგენტს

"SuperLunch" კომპანიებსა და მათ თანამშრომლებს სთავაზობს გემრიელ, ჯანსაღ და ბალანსირებულ ლანჩს — მოსახერხებელი ონლაინ შეკვეთითა და ოფისში მიწოდებით.

ვეძებთ კომუნიკაბელურ და შედეგზე ორიენტირებულ ადამიანს, რომელიც მოიზიდავს ახალ კორპორაციულ კლიენტებს.

რას გააკეთებთ:

• მოიძიებთ პოტენციურ კლიენტ კომპანიებს და დაუკავშირდებით მათ HR-ებს, ადმინისტრაციასა და ხელმძღვანელებს;
• წარადგენთ SuperLunch-ის სერვისს, ონლაინ პლატფორმასა და თანამშრომლობის უპირატესობებს;
• გამოავლენთ კომპანიის საჭიროებებს — თანამშრომელთა რაოდენობას, კვების ბიუჯეტსა და მომსახურების სასურველ ფორმატს;
• ჩვენს გუნდთან ერთად დაგეგმავთ შეხვედრებს, დეგუსტაციებსა და საცდელ შეკვეთებს;
• წარმართავთ მოლაპარაკებებს და დაეხმარებით კომპანიას სერვისის დაწყებაში;
• შეინარჩუნებთ კონტაქტს მოყვანილ კომპანიებთან და ხელს შეუწყობთ შეკვეთების ზრდას;
• აწარმოებთ პოტენციური კლიენტებისა და მოლაპარაკებების მოკლე ანგარიშს.

რას ველით თქვენგან:

• გაყიდვების ან კლიენტების მოზიდვის გამოცდილებას, სასურველია კორპორაციულ მიმართულებაში;
• ახალი კონტაქტების დამოუკიდებლად მოძიებისა და პირველი კომუნიკაციის დაწყების უნარს;
• გამართულ ქართულს, კარგ პრეზენტაციისა და მოლაპარაკების უნარებს;
• ორგანიზებულობას, პასუხისმგებლობასა და შეთანხმებების შესრულებას;
• Excel-ის ან Google Sheets-ის საბაზისო ცოდნას.

უპირატესობა იქნება კომპანიების HR-ებთან და ადმინისტრაციულ გუნდებთან არსებული კონტაქტები, კვების ან მომსახურების სფეროში გამოცდილება და ინგლისური ან რუსული ენის ცოდნა.

თანამშრომლობისა და ანაზღაურების პირობები:

• მოქნილი გრაფიკი და კომპანიებთან შეხვედრები თბილისში;
• ანაზღაურება სრულად საკომისიოზეა დაფუძნებული;
• მიიღებთ თქვენ მიერ მოყვანილი კომპანიების შეკვეთებიდან რეალურად მიღებული შემოსავლის 5%-ს, დღგ-ის გარეშე;
• საკომისიო გერიცხებათ ყოველთვიურად, სანამ მოყვანილი კომპანია SuperLunch-ის კლიენტია და მისგან შემოსავალი მიიღება.