კლიენტებთან ურთიერთობის და გაყიდვების შემდგომი მომსახ. სპეც.
MAQRO Development არის "MAQRO" ჯგუფის მამოძრავებელი ძალა. კომპანია აშენებს საცხოვრებელ კომპლექსებს, სასტუმროებს, რესტორნებს, მაღაზიებსა და ოფისებს, სადაც ადამიანები თავს კომფორტულად გრძნობენ.
ჩვენ ვეძებთ აქტიურ, მომხმარებელზე ორიენტირებულ და შედეგზე ფოკუსირებულ კლიენტებთან ურთიერთობისა და გაყიდვების შემდგომი მომსახურების სპეციალისტს, რომელიც შეუერთდება ჩვენს მზარდ უძრავი ქონების გუნდს.
ადგილმდებარეობა: თბილისი, საქართველო
სექტორი: უძრავი ქონების განვითარებისა და საინვესტიციო სექტორი
სამუშაო გრაფიკი: სრული განაკვეთი, 09:00-დან 18:00 საათამდე
ანაზღაურება: შეთანხმებით (კვალიფიკაციის მიხედვით) + საბონუსე სისტემა
ამ პოზიციაზე თქვენ პასუხისმგებელი იქნებით კლიენტებთან კომუნიკაციის მართვაზე, გაყიდვების შემდგომი პროცესების კოორდინაციაზე, მომხმარებელთა საკითხების მოგვარებასა და გამორჩეული მომსახურების უზრუნველყოფაზე უძრავი ქონების შეძენის შემდგომ ეტაპებზე.
თუ თქვენთვის მნიშვნელოვანია მომხმარებელთა კმაყოფილება, გაქვთ შესანიშნავი კომუნიკაციის უნარები და კომფორტულად მუშაობთ დინამიკურ გარემოში, მოხარული ვიქნებით თქვენი კანდიდატურის განხილვით.
ძირითადი მოვალეობები:
კლიენტებთან კომუნიკაცია და მოთხოვნების მართვა
- კლიენტების მოთხოვნებზე რეაგირება ტელეფონის, ელ.ფოსტის, WhatsApp-ისა და პირისპირ შეხვედრების საშუალებით;
- კლიენტების მოთხოვნების, საჩივრებისა და უკუკავშირის აღრიცხვა და მართვა CRM სისტემაში;
- კლიენტებისთვის დროული პასუხების უზრუნველყოფა დადგენილი მომსახურების სტანდარტების შესაბამისად;
- პროაქტიული ურთიერთობების ჩამოყალიბება მომხმარებელთა კმაყოფილებისა და ლოიალობის გაზრდის მიზნით.
გაყიდვების შემდგომი პროცესების მართვა
- კლიენტების მხარდაჭერა გაყიდვის შემდგომ პროცესებში, მათ შორის საკუთრების უფლების გადაცემის, ბინის ჩაბარების, გადახდის გრაფიკებისა და სხვა დაკავშირებული საკითხების მიმართულებით;
- კლიენტების მხარდაჭერა უძრავი ქონების ჩაბარების პროცესში და არსებული ხარვეზებისა თუ საკითხების მოგვარების კოორდინაცია;
- მჭიდრო თანამშრომლობა გაყიდვების, ფინანსურ, ტექნიკურ და ქონების მართვის გუნდებთან;
- კლიენტებთან დაკავშირებული საკითხების მონიტორინგი და მათი მოგვარების პროცესის კონტროლი საბოლოო გადაწყვეტამდე.
საჩივრების მართვა და პრობლემების გადაჭრა
- კლიენტების საჩივრების ანალიზი და შესაბამის დეპარტამენტებთან გადამისამართება;
- საკითხების მოგვარების პროცესის მონიტორინგი დასაწყისიდან დასრულებამდე;
- გადაუჭრელი ან დაგვიანებული საკითხების მენეჯმენტთან გადამისამართება საჭიროების შემთხვევაში;
- პროფესიონალური და შედეგზე ორიენტირებული კომუნიკაციის შენარჩუნება, განსაკუთრებით რთულ სიტუაციებში.
CRM მართვა და ანგარიშგება
- კლიენტებთან ყველანაირი სახის კომუნიკაციის ზუსტი დოკუმენტირება CRM სისტემაში;
- ყოველკვირეული და ყოველთვიური მომხმარებელთა კმაყოფილების რეპორტინგი;
- განმეორებადი მოთხოვნებისა და საჩივრების ანალიზი და გადაჭრის გზების მენეჯმენტისთვის წარდგენა;
- პროცესების გაუმჯობესებისთვის რეკომენდაციების მომზადება მომხმარებლის გამოცდილებისა და ოპერაციული ეფექტიანობის გასაუმჯობესებლად.
მომხმარებლის გამოცდილება და კმაყოფილება
- მომხმარებელთა კმაყოფილების კვლევების ჩატარება;
- NPS მაჩვენებლების მონიტორინგი და ანგარიშგება;
- VIP კლიენტებთან კომუნიკაციის მართვა;
- კომპანიის ბრენდისა და მომსახურების სტანდარტებთან შესაბამისობის უზრუნველყოფა ყველა კლიენტთან კომუნიკაციისას.
ოპერაციული მხარდაჭერა
- ქონების მართვის, ტექნიკური და უსაფრთხოების გუნდებთან კოორდინაცია;
- კლიენტების დახმარება კომუნალური სერვისების ჩართვის პროცესში, მათ შორის ელექტროენერგიის, წყლისა და გაზის საკითხებში;
- კლიენტებისთვის ინფორმაციისა და მხარდაჭერის მიწოდება გაქირავებისა და გადაყიდვის საკითხებთან დაკავშირებით.
საკვალიფიკაციო მოთხოვნები:
- კომუნიკაციისა და ადამიანებთან ეფექტური ურთიერთობის უნარები;
- პრობლემების გადაჭრისა და კონფლიქტების მართვის ძლიერი უნარები;
- ემპათიის მაღალი დონე და მომხმარებელზე ორიენტირებული მიდგომა;
- CRM პლატფორმებთან მუშაობის გამოცდილება, როგორიცაა Salesforce, HubSpot ან მსგავსი სისტემები;
- ძლიერი ორგანიზაციული და საკითხების დროული მონიტორინგის უნარი;
- პროფესიონალური პრეზენტაციისა და კომუნიკაციის უნარები;
- ინგლისური ენის თავისუფლად ცოდნა აუცილებელია;
- რუსული და თურქული ენების ცოდნა ჩაითვლება მნიშვნელოვან უპირატესობად;
- გამოცდილება უძრავი ქონების, ჰოსფითალითის, მომხმარებელთა მომსახურების ან გაყიდვების შემდგომი მომსახურების სფეროში ჩაითვლება უპირატესობად.
ჩვენ გთავაზობთ:
- საერთაშორისო უძრავი ქონების კომპანიაში მუშაობის შესაძლებლობას;
- დინამიკურ და განვითარებაზე ორიენტირებულ სამუშაო გარემოს;
- პროფესიული განვითარებისა და კარიერული ზრდის შესაძლებლობებს;
- კონკურენტულ ანაზღაურებასა და შედეგებზე დაფუძნებულ ბონუსებს;
- თანამშრომლობით კულტურას, რომელიც ორიენტირებულია მომხმარებელთა უმაღლესი ხარისხის მომსახურებაზე;
- სასიამოვნო სამუშაო გარემოს;
- კორპორატიულ ჯანმრთელობის დაზღვევას;
- ერთჯერად კვებას;
- კორპორატიულ ნომერს (ულიმიტო პაკეტით).
თუ თქვენ გსურთ შექმნათ გამორჩეული მომხმარებლის გამოცდილება და დაამყაროთ გრძელვადიანი ურთიერთობები კლიენტებთან, გელოდებით ჩვენს გუნდში.
შენიშვნა: დაკავშირება მოხდება მხოლოდ შერჩეულ კანდიდატებთან.
