იურისტი — საქართველოს ეკონომიკის განვითარების კორპორაცია

სს "საქართველოს ეკონომიკის განვითარების კორპორაცია" აცხადებს კონკურსს იურისტის ვაკანსიაზე.

ფუნქცია-მოვალეობები:

• კორპორაციის საქმიანობის მოქმედ კანონმდებლობასთან შესაბამისობის უზრუნველყოფა;
• კორპორაციული მართვის სტანდარტების დანერგვისა და განხორციელების პროცესების სამართლებრივი მხარდაჭერა;
• კორპორაციის სტრუქტურული ერთეულების სამართლებრივი მხარდაჭერა;
• კორპორაციის მიერ განსახორციელებელი ბიზნესის მხარდამჭერი აქტივობების სამართლებრივი ჩარჩოს შემუშავება;
• კომპეტენციის ფარგლებში ნორმატიული აქტების პროექტების მომზადება;
• კორპორაციის საქმიანობის ფარგლებში დასადები ადგილობრივი თუ საერთაშორისო ხელშეკრულების, შეთანხმების, მემორანდუმის პროექტების მომზადება ან/და მათი სამართლებრივი ექსპერტიზა;
• კორპორაციის კანონიერი უფლებებისა და ინტერესების წარმომადგენლობა და დაცვა ყველა ინსტანციის სასამართლოში, ასევე მესამე პირებთან (მათ შორის, მოქალაქეებთან და ადმინისტრაციულ ორგანოებთან) ურთიერთობებში;
• კომპეტენციის ფარგლებში და დადგენილი წესით, დაინტერესებულ პირთა საჩივრების, წერილებისა და განცხადებების განხილვა და/ან განხილვაში მონაწილეობა და მათზე გადაწყვეტილებების (პასუხების) მომზადება;
• საჯარო ინფორმაციის გაცემა კანონმდებლობით დადგენილი წესით.

განათლება: უმაღლესი განათლება (ბაკალავრის ხარისხი) - იურიდიული მიმართულებით.

სამუშაო გამოცდილება:

• იურისტის პოზიციაზე მუშაობის არანაკლებ 5 წლიანი გამოცდილება;
• მენეჯერულ პოზიციაზე მუშაობის გამოცდილება ჩაითვლება უპირატესობად.
• კორპორაციული მართვისა და ფასიანი ქაღალდების ბაზრის სამართლის სფეროში მუშაობის გამოცდილება ჩაითვლება უპირატესობად.

უცხო ენა: ინგლისური ენის C1 დონეზე ცოდნა;

საუკეთესო კანდიდატი ასევე უნდა აკმაყოფილებდეს შემდეგ მოთხოვნებს:

• სამართლებრივი აქტების პროექტების მომზადების კომპეტენცია;
• კორპორაციული სამართლის სპეციფიკის სიღრმისეული ცოდნა;
• სამართლებრივი კვლევების ჩატარების უნარი;
• საქმიანი დოკუმენტაციის წარმოება;
• ეფექტური კომუნიკაცია;
• მაღალი ანალიტიკური უნარები;
• პასუხისმგებლობის გრძნობა;
• გუნდური მუშაობის უნარი;
• ორგანიზებული და დეტალებზე ორიენტირებული.

თანამდებობრივი სარგო განისაზღვრება კანდიდატის გამოცდილებისა და კომპეტენციების შესაბამისად.

სამუშაოს ადგილმდებარეობა: ქ. თბილისი

განცხადების მიღების ბოლო ვადაა 2026 წლის 5 ივლისი.