გაყიდვების კონსულტანტი- — კონტაქტჰოუმი

"Kontak"-ი არ არის უბრალოდ ტექნიკის მაღაზია — ეს არის თანამედროვე სივრცე, სადაც თავმოყრილია საყოფაცხოვრებო ტექნიკის, ციფრული ტექნიკისა და ტექსტილის დიდი არჩევანი!

ჩვენ ვთანამშრომლობთ მსოფლიოს 30-ზე მეტ გიგანტთან (Samsung, LG, Bosch, Huawei, Realme, Sony, Hoffmann და სხვა).

უკვე 250-ზე მეტი პროფესიონალი ქმნის ჩვენს წარმატებას და ჩვენი ზრდის ტემპი არ ჩერდება.

ჩვენ არ ვეძებთ უბრალოდ თანამშრომლებს, ჩვენ ვეძებთ პარტნიორებს, რომელთა პიროვნულ და კარიერულ განვითარებაზე ზრუნვა ჩვენი პრიორიტეტია.

შენი მისია კომპანიაში: როგორც გაყიდვების კონსულტანტი, შენ იქნები ჩვენი მომხმარებლების მთავარი მრჩეველი, დაეხმარები მათ საუკეთესო ტექნიკის შერჩევაში და შექმნი მომსახურების მაღალ სტანდარტს.

ძირითადი მოვალეობები:

• მომხმარებლისთვის მაღალი სტანდარტის მომსახურების გაწევა და საჭიროებების დადგენა;
• ფილიალში წარმოდგენილი პროდუქციის ტექნიკური მახასიათებლების ზედმიწევნით ცოდნა;
• სექციის ვიზუალური მოწესრიგება;
• სასაქონლო მარაგების მართვა: პროდუქციის დახლზე გადანაწილება, განახლება და შევსება;
• მოთხოვნადი პროდუქტების იდენტიფიცირება და მენეჯერთან რეპორტინგი;
• უშუალო ხელმძღვანელის სხვა დავალებების შესრულება, რომლებიც გამომდინარეობს პოზიციის მიზნებიდან.

ეს პოზიცია შენთვისაა, თუ:

• გაქვს გაყიდვების ან მომსახურების სფეროში მუშაობის გამოცდილება;
• ფლობ უცხო ენებს (ინგლისური, თურქული ან რუსული) საკომუნიკაციო დონეზე;
• ხარ მოტივირებული, ორგანიზებული და გაქვს განვითარების სურვილი;

რატომ უნდა შემოგვიერთდე? ჩვენ ვაფასებთ შენს დროს და შრომას:

• გრაფიკი: დღეში 8 საათი, კვირაში 5 დღე 2 დასვენების დღე (შეთანხმებით);
• ანაზღაურება: საშუალოდ 1400 ლარიდან 3000 ლარამდე და მეტი ;
• ჯანმრთელობა: კორპორატიული დაზღვევა შენთვის და შენი ოჯახისთვის (ინდივიდუალური და საოჯახო);
• აქტიური ცხოვრება: Fitpass-ით სარგებლობის შესაძლებლობა;
• მეტი დასვენება: წელიწადში 3 დამატებითი, ანაზღაურებადი Day Off;
• განვითარება: კარიერული წინსვლისა და დაწინაურების ხელშეწყობა.

განაცხადების მიღების ბოლო ვადა: 22 ივლისი, 2026.

მოთხოვნილი დოკუმენტის/ინფორმაციის გადმოგზავნით დასაქმების მსურველი ადასტურებს, რომ მის მიერ მიწოდებული ინფორმაცია/დოკუმენტაცია არის უტყუარი. დამსაქმებელი იღებს ვალდებულებას მოპოვებული ინფორმაცია დაამუშაოს (მოცემული ან სხვა რელევანტური ვაკანსიისათვის) იმ მოცულობით და ფარგლებში, რომელიც საჭიროა მიზნის მისაღწევად, 1 (ერთი) წლის ვადით, ხოლო ნებისმიერი სადავო საკითხის შემთხვევაში, შესაბამისი დავის დასრულებამდე. კანდიდატი უფლებამოსილია ნებისმიერ დროს მოითხოვოს მის შესახებ არსებული ინფორმაციის დამუშავების შეწყვეტა.