დირექტორის თანაშემწე — ტრიდე უძრავი ქონება

კომპანია შპს "ტრიდე უძრავი ქონება" აცხადებს ვაკანსიას - დირექტორის თანაშემწის პოზიციაზე (იურიდიული და კორპორაციული მართვის მიმართულებით)

სამუშაო გრაფიკი: ორშაბათი-პარასკევი, 10:00-18:00

სამუშაო ადგილი: თბილისი/დიღომი

ანაზღაურება: 1000 ლარი

პოზიციის მიზანი

დირექტორის მხარდაჭერა კომპანიის ყოველდღიური საქმიანობის მართვის, სამართლებრივი საკითხების მოწესრიგების, სახელმწიფო უწყებებთან ურთიერთობის, უძრავი ქონების მართვის მიმართულებით.

ძირითადი ფუნქცია-მოვალეობები:

• კომპანიის საქმიანობასთან დაკავშირებული იურიდიული დოკუმენტაციის მომზადება, განხილვა და ანალიზი;
• ხელშეკრულებების, შეთანხმებების, დამატებითი პირობებისა და სხვა სამართლებრივი დოკუმენტების მომზადება და მათი სამართლებრივი რისკების შეფასება;
• კომპანიის საქმიანობასთან დაკავშირებულ სამართლებრივ საკითხებზე დირექტორის კონსულტირება და შესაბამისი რეკომენდაციების მომზადება;
• კომპანიის ინტერესების დაცვა სახელშეკრულებო ურთიერთობებში;
• მოქმედი ხელშეკრულებების, ვალდებულებების, ვადებისა და შესასრულებელი პირობების მონიტორინგი;
• სამართლებრივი რისკების იდენტიფიცირება და მათი თავიდან აცილების ან შემცირების გზების შეთავაზება;
• საჯარო და სახელმწიფო უწყებებთან კომპანიის სახელით კომუნიკაცია, შესაბამისი უფლებამოსილების ფარგლებში;
• სახელმწიფო უწყებებთან, საჯარო სექტორთან და კომუნალური მომსახურების მომწოდებელ კომპანიებთან ურთიერთობა;
• უძრავი ქონების მოძიება და საინვესტიციო შესაძლებლობების შეფასება;
• მოიჯარეებთან ურთიერთობა და სახელშეკრულებო ვალდებულების კონტროლი;
• დირექტორის ადმინისტრაციული და მმართველობითი მხარდაჭერა.

საკვალიფიკაციო მოთხოვნები:

• უმაღლესი (ბაკალავრის ხარისხი) განათლება სამართლის მიმართულებით;
• სასურველია იურიდიულ სფეროში მუშაობის გამოცდილება;
• უძრავი ქონების, ქირავნობისა და სახელშეკრულებო სამართლის ცოდნა;
• საქართველოს მოქმედი კანონმდებლობის ცოდნა;
• სამართლებრივი დოკუმენტების შედგენისა და ანალიზის უნარი;
• ინფორმაციის მოძიების, დამუშავების, ანალიზისა და დასაბუთებული რეკომენდაციების მომზადების უნარი;
• საოფისე პროგრამებისა (Microsoft Excel, Microsoft PowerPoint, Microsoft Word) ცოდნა;
• ინგლისური ენის მაღალ დონეზე ცოდნა (წერილობითი და ზეპირი კომუნიკაცია);
• სასურველია რუსული ენის ცოდნა (ზეპირი კომუნიკაცია).

პიროვნული და სამუშაო უნარები:

• მაღალი პასუხისმგებლობის გრძნობა და ორგანიზებულობა;
• ანალიტიკური და სტრატეგიული აზროვნება;
• დეტალებზე ორიენტირებულობა;
• დამოუკიდებლად მუშაობისა და ინიციატივის გამოჩენის უნარი;
• დროის ეფექტიანი მართვა და რამდენიმე საკითხის პარალელურად კონტროლის უნარი;
• წერილობითი და ზეპირი კომუნიკაციის მაღალი კულტურა;
• კონფიდენციალური ინფორმაციის დაცვის უნარი;
• პრობლემების დროული იდენტიფიცირება და პრაქტიკული გადაწყვეტილებების შეთავაზება.

ანგარიშვალდებულება

თანამშრომელი ანგარიშვალდებულია კომპანიის დირექტორის წინაშე და საქმიანობას ახორციელებს მის მიერ განსაზღვრული პრიორიტეტების, უფლებამოსილებისა და დავალებების შესაბამისად.