სტაჟიორი ბიზნეს პროცესების დანერგვის გუნდში — MARK4

სტაჟიორი ბიზნეს პროცესების დანერგვის გუნდში — "MARK4"

კომპანიის შესახებ: "ბიზნეს ჯგუფი" არის წამყვანი ბიზნეს მხარდაჭერის კომპანია, რომელიც ქმნის და ავითარებს ინოვაციურ ქართულ Cloud სისტემას — "MARK4"-ს. პლატფორმა ორგანიზაციებს ეხმარება ბიზნეს პროცესების გამარტივებაში, ავტომატიზაციასა და ეფექტიანობის ზრდაში. კომპანია სპეციალიზდება Cloud გადაწყვეტილებების, ბიზნეს სისტემების დანერგვისა და ოპერაციული პროცესების ოპტიმიზაციის მიმართულებით.

"MARK4" დაიბადა საქართველოში და ემსახურება როგორც ადგილობრივ, ისე საერთაშორისო ბაზარზე ორიენტირებულ ორგანიზაციებს. ჩვენი მიზანია, ბიზნეს რეალობაში არსებული ქაოსი და სირთულეები ადამიანურ სიმარტივედ, გამჭვირვალე და ეფექტურ სტრუქტურად ვაქციოთ. ჩვენი კულტურა ემყარება გამჭვირვალობას, ინტელექტუალურ მიდგომებსა და მოქმედებაზე ორიენტირებულობას.

ჩვენ ვეძებთ მოტივირებულ სტაჟიორებს, რომლებიც მზად არიან საფუძვლიანად შეისწავლონ "MARK4"-ის ეკოსისტემა (მისი ფინანსური, საოპერაციო თუ HR მოდულები) და გახდნენ ხიდი ჩვენს ტექნოლოგიასა და პარტნიორ ბიზნესებს შორის. სტაჟირების წარმატებით გავლის შემთხვევაში, თქვენ გახდებით გუნდის სრულუფლებიანი წევრი.

ძირითადი მოვალეობები:

** MARK4-ის პროდუქტების, მოდულებისა და ფუნქციონალის დეტალური შესწავლა;
** პარტნიორი კომპანიების ბიზნეს პროცესების ანალიზი და მათი საჭიროებების იდენტიფიცირება;
** ახალი კლიენტებისთვის სისტემის დანერგვისა და ინტეგრაციის პროცესში მონაწილეობა;
** მომხმარებლებისთვის სისტემის ეფექტურად გამოყენების სწავლება და კონსულტაცია.

საკვალიფიკაციო მოთხოვნები და უნარები:

** უმაღლესი განათლება (ან დამამთავრებელი კურსის სტუდენტი) ბიზნესის ადმინისტრირების, ფინანსების, საინფორმაციო ტექნოლოგიების ან მომიჯნავე მიმართულებით;
** ექსელის ცოდნის მინიმალური დონე;
** ბიზნეს პროცესებისა და ლოგიკური ჯაჭვების სწრაფად ათვისების უნარი;
** ანალიტიკური და სტრუქტურული აზროვნება — სირთულეებში სიმარტივის დანახვის ნიჭი;
** ეფექტური კომუნიკაციისა და პრეზენტაციის უნარები პარტნიორებთან მუშაობისთვის;
** ტექნოლოგიური სიახლეების მიმართ ინტერესი.

რას გთავაზობთ ჩვენ:

** რეალურ, მასშტაბურ პროექტებზე მუშაობის პრაქტიკულ გამოცდილებას;
** პროფესიული განვითარების მკაფიო სტრუქტურასა და მენტორობას;
** მეგობრულ, ღია და ინტელექტუალურ სამუშაო გარემოს;
** წარმატებული სტაჟირების ბოლოს — მუდმივ პოზიციაზე დასაქმების პერსპექტივას.

სტაჟირების ეტაპები და პირობები:

** I ეტაპი — ინტენსიური სწავლება (2 კვირა): სტაჟირების პირველ ორ კვირას დავუთმობთ MARK4-ის პროდუქტების, მოდულებისა და ბიზნეს-ლოგიკის საფუძვლიან შესწავლას გამოცდილი მენტორების მხარდაჭერით.
** II ეტაპი — ანაზღაურებადი პრაქტიკა (3 თვე): თეორიული კურსის დასრულებისთანავე, თქვენ უშუალოდ ჩაერთვებით რეალურ სამუშაო პროცესში და მიიღებთ მონაწილეობას სისტემის დანერგვაში პარტნიორ კომპანიებთან. ეს პერიოდი არის სრულად ანაზღაურებადი.
** დასაქმების პერსპექტივა: 3-თვიანი პერიოდის წარმატებით დასრულების შემდეგ, საუკეთესო შედეგების მქონე კანდიდატებთან განვიხილავთ გუნდში მუდმივ (გრძელვადიან) პოზიციაზე გადაყვანისა და კარიერული ზრდის საკითხს.