სახანძრო დაცვის სისტემების მომსახ. სამსახურის უფროსი აგენტი- ქუთაისი — საქართველოს აეროპორტების გაერთიანება

შპს "საქართველოს აეროპორტების გაერთიანება" აცხადებს კონკურსს სახანძრო დაცვის სისტემების მომსახურების სამსახურის უფროსი აგენტის პოზიციაზე.

სამუშაო ადგილი: დავით აღმაშენებლის სახელობის ქუთაისის საერთაშორისო აეროპორტი

ანაზღაურება: 1702 ლარი.

სამუშაოს ტიპი: სტანდარტული.

გამოსაცდელი ვადა: 6 თვე.

ფუნქცია-მოვალეობები:

• დავით აღმაშენებლის სახელობის ქუთაისის საერთაშორისოს აეროპორტის ტერმინალისა და დამხმარე შენობა-ნაგებობების არსებული სახანძრო დაცვის სისტემების (სახანძრო სიგნალიზაცია, ავტომატური ხანძარქრობის სისტემები, კვამლის მართვის სისტემები, ხანძარსაწინააღმდეგო ტუმბოები და სხვა დაკავშირებული სისტემები) გამართული და უწყვეტი ფუნქციონირების უზრუნველყოფა.
• სამსახურის ყოველდღიური საქმიანობის ხელმძღვანელობა, თანამშრომლებს შორის ფუნქციებისა და მოვალეობების განაწილება, მათი შესრულების მონიტორინგი.
• სახანძრო დაცვის სისტემების გეგმური და არაგეგმური ტექნიკური მომსახურებისა და პროფილაქტიკური სამუშაოების ორგანიზება და კოორდინაცია.
• სახანძრო დაცვის სისტემების ტექნიკური გაუმართაობების დროული გამოვლენა, მიზეზების ანალიზი და ხარვეზების აღმოფხვრის პროცესის კოორდინაცია.
• კონტრაქტორი ორგანიზაციების მიერ შესრულებული სამუშაოების ხარისხისა და მოქმედ სტანდარტებთან შესაბამისობის კონტროლი.
• ახალი სახანძრო დაცვის სისტემების მიღების, გამოცდისა და ექსპლუატაციაში მიღების პროცესში მონაწილეობა და ზედამხედველობა.
• ტექნიკური დოკუმენტაციის, მომსახურების ჟურნალების, დეფექტური აქტებისა და შესაბამისი ანგარიშგებების წარმოება.
• შესყიდვების ტექნიკური დავალებების, ტექნიკური სპეციფიკაციებისა და სხვა შესაბამისი დოკუმენტაციის წარმოება.
• სახანძრო უსაფრთხოების სფეროში მოქმედი საქართველოს კანონმდებლობის, კომპანიის შიდა რეგულაციების მოთხოვნების შესრულებისა და დაცვის უზრუნველყოფა.
• კომპეტენციის ფარგლებში ურთიერთობის წარმართვა სახელმწიფო ზედამხედველობის ორგანოებთან, აუდიტორებთან, კონტრაქტორ ორგანიზაციებთან და სხვა უფლებამოსილ პირებთან.
• სამუშაო პროცესში შრომის უსაფრთხოების და ტექნიკური ნორმების მკაცრი დაცვა.

საკვალიფიკაციო მოთხოვნები:

• საშუალო განათლება (სასურველია: უმაღლესი განათლება სახანძრო საინჟინრო, ან სხვა მიმართულებით);
• სახანძრო დაცვის სისტემების, დაბალდენიანი სისტემების ან სხვა საინჟინრო სისტემების სფეროში მუშაობის არანაკლებ 3-წლიანი გამოცდილება (სასურველია ხელმძღვანელ პოზიციაზე მუშაობის გამოცდილება).
• სასურველია სახანძრო სიგნალიზაციის, ავტომატური ხანძარქრობის, კვამლის მართვისა და სხვა სახანძრო დაცვის სისტემების ექსპლუატაციისა და ტექნიკური მომსახურების გამოცდილება;
• Microsoft Office-ის პროგრამების (Word, Excel, Outlook) ცოდნა;
• ქართული ენის სრულყოფილი ცოდნა; სასურველია ინგლისური ენის ცოდნა, ტექნიკური დოკუმენტაციის წაკითხვისა და გაგების დონეზე.

დამატებითი მოთხოვნები:

• საქართველოს კანონმდებლობის, სახანძრო უსაფრთხოების მოთხოვნებისა და შესაბამისი ტექნიკური ნორმებისა და სტანდარტების ცოდნა;
• ტექნიკური დოკუმენტაციის, სქემებისა და საინჟინრო ნახაზების წაკითხვისა და ანალიზის უნარი.
• პასუხისმგებლობის მაღალი გრძნობა.
• გუნდური მუშაობის, და ეფექტური გადაწყვეტილებების ოპერატიულად მიღების უნარი.

კონკურსის ეტაპებია:

• აპლიკაციების გადარჩევა;
• გასაუბრება.

დამატებითი ინფორმაცია:

რეზიუმეების მიღება გაგრძელდება 2026 წლის 01 სექტემბრის ჩათვლით.