ორგანიზაციის დირექტორი
საზოგადოება ბუნების კონსერვაციისთვის - საბუკო-ს გამგეობა აცხადებს ვაკანსიას ორგანიზაციის დირექტორის თანამდებობაზე.
"საბუკო - საზოგადოება ბუნების კონსერვაციისთვის" შესახებ:
"საზოგადოება ბუნების კონსერვაციისთვის - საბუკო" წარმოადგენს არასამთავრობო ორგანიზაციას, რომელიც დაარსდა 2014 წელს. ორგანიზაციის მისიაა ბიომრავალფეროვნების დაცვა და კონსერვაცია, საზოგადოებაში ბუნების დაფასებისა და ბუნებრივი რესურსების მდგრადი გამოყენების ხელშეწყობა.
"საბუკო" წარმოადგენს BirdLife-ის, მსოფლიოს უმსხვილესი ბუნების კონსერვაციის ორგანიზაციის, ადგილობრივ პარტნიორს.
ზოგადი წარდგენა:
"საბუკოს" გამგეობა ეძებს შესაბამის კანდიდატს, რომელიც შეუერთდება ორგანიზაციას, უხელმძღვანელებს მის მუშაობას და ხელს შეუწყობს მის გაძლიერებას საოპერაციო, ფინანსური და ტექნიკური კომპონენტების მართვის/ზედამხედველობის გზით. დირექტორს, რომელიც პასუხისმგებელი/ანგარიშვალდებულია "საბუკოს" გამგეობის წინაშე, ეკისრება სტრატეგიული და სამოქმედო პასუხისმგებლობა უზრუნველყოს ორგანიზაციის და თანამშრომლების საქმიანობის მაღალი ხარისხი, ფინანსური კეთილდღეობა, ძლიერი და მზარდი პროგრამები ორგანიზაციის მისიის შესრულებისთვის.
სამუშაო მოვალეობები:
- ორგანიზაციის მართვა, თანამშრომლების, გამგეობის, გარე კონსულტანტების და სერვისების ხელშეწყობით;
- ორგანიზაციის სამუშაოს და პროგრამების დაგეგმვა, ორგანიზება და წარმართვა;
- თანამშრომლებისა და პარტნიორების ხელმძღვანელობა `საბუკოს` პროგრამების, პროექტებისა და აქტივობების წარმატებით განხორციელების მიზნით;
- ორგანიზაციის სტრატეგიული ხედვის განვითარების ხელმძღვანელობა და მისი განხორციელების კონტროლი;
- პროგრამების ინიცირება, ზედამხედველობა და შეფასება, `საბუკოს` სტრატეგიის და ფინანსური შესაძლებლობების შესაბამისად;
- ახალი ურთიერთობების, პარტნიორობისა და თანამშრომლობის შექმნა/გაძლიერება, `საბუკოს` მისიის მხარდაჭერისათვის;
- ბიუჯეტის რეგულარული (ყოველთვიური, კვარტალური და წლიური) მიმოხილვის კოორდინაცია და მართვა, პერიოდული ფინანსური პროგნოზების მიმოხილვა;
- ორგანიზაციის საქმიანობის შესაბამისობის უზრუნველყოფა აუდიტის, საგადასახადო და ფინანსური ანგარიშგების ყველა მოთხოვნებთან;
- შეხვედრებისა და მოლაპარაკებების წარმოება;
- დონორებისა და გამგეობისათვის ანგარიშებისა და პრეზენტაციების მომზადება;
- ანგარიშვალდებულება ორგანიზაციის გამგეობასთან, ფინანსური პროგნოზირების დოკუმენტების შედგენა/წარდგენის ჩათვლით;
- ფართო აუდიტორიისათვის "საბუკოს" და მისი საქმიანობის შესახებ ინფორმაციის მიწოდება;
- "საბუკოს" პარტნიორებთან თანამშრომლობის შენარჩუნება და გაძლიერება, შესაბამისი მხარდაჭერის უზრუნველყოფის მიზნით;
- ფონდების მოძიებისა და შემოსავლების გაზრდის სტრატეგიების მეთვალყურეობა/ხელშეწყობა;
- "საბუკოს" წევრობის გაფართოების ხელშეწყობა;
- ორგანიზაციის ხელმძღვანელი პირის თანამდებობისთვის გათვალისწინებული სხვა ფუნქციებისა და მოვალეობების შესრულება.
საკვალიფიკაციო მოთხოვნები:
- უმაღლესი განათლება (მინ. მაგისტრის ხარისხი) ბიოლოგიაში, ეკოლოგიაში, გარემოსდაცვით მეცნიერებებში ან მომიჯნავე დარგის მიმართულებით;
- არანაკლებ 5-წლიანი სამუშაო გამოცდილება გარემოსდაცვითი მიმართულებით, მათ შორის არასამთავრობო ორგანიზაციებში, აკადემიაში, ან სამთავრობო სტრუქტურაში;
- ორგანიზაციის მართვის არანაკლებ 2-წლიანი სამუშაო გამოცდილება;
- პროექტების მართვის მინიმუმ 3-წლიანი გამოცდილება;
- ფინანსების მართვის გამოცდილება;
- ფონდების მოძიების გამოცდილება;
- ქართული და ინგლისური ენების ცოდნა.
სასურველია:
- მოხალისეთა მოზიდვისა და ორგანიზაციის მუშაობაში ჩართვის გამოცდილება;
- ორგანიზაციაში წევრების მოზიდვის გამოცდილება;
- მჭიდრო ურთიერთობები აკადემიასთან, სამთავრობო და არასამთავრობო ორგანიზაციებთან, დონორებთან და ბიზნესებთან.
პიროვნული უნარ-ჩვევები:
- საქმიანობის ორგანიზებისა და დაგეგმვის უნარი;
- ორგანიზებული და შედეგზე ორიენტირებული;
- სხვადასხვა ამოცანებზე ერთდროულად მუშაობის უნარი;
- კარგი წერილობითი და ვერბალური კომუნიკაციის უნარი;
- ლიდერობის და პერსონალის მართვის უნარები;
- გუნდური მოთამაშე, რომელსაც აქვს სხვათა მოსაზრებებისა და წვლილის მოძიებისა და გამოყენების უნარი;
- ეფექტიანი პარტნიორობის დამყარებისა და შენარჩუნების უნარი, დიპლომატიის და თანამშრომლობითი მიდგომით პრობლემების გადაჭრის უნარი;
- მოლაპარაკებების წარმოების უნარი;
- მაღალი პასუხისმგებლობის გრძნობა;
- შრომისმოყვარეობა და დისციპლინირებულობა.
სამუშაო ადგილი: საქართველო, თბილისი
სამუშაო პირობები:
- სრული განაკვეთი;
- ანაზღაურება: კანდიდატის კვალიფიკაციის და გამოცდილების შესაბამისად;
- გამოსაცდელი ვადა: 6 თვე.
საბუთების მიღების ბოლო ვადა: 2026 წლის 23 ოქტომბერი.
შენიშვნა: დაკავშირება მოხდება მხოლოდ II ეტაპზე გასულ კანდიდატებთან.
