საწარმოს ოპერაციების მენეჯერი — METI

METI

საწარმოს ოპერაციების მენეჯერი

შეთანხმებით ახალი ადგილზე სრული განაკვეთი
"METI"-ის შესახებ

"METI" ქართული ბრენდია, რომელიც ბუნებრივი ინგრედიენტებისგან დამზადებულ პროტეინ ბარებს აწარმოებს. ჩვენი მიზანია, ხელი შევუწყოთ აქტიური ცხოვრების წესს და მომხმარებლებს შევთავაზოთ გემრიელი პროდუქტები ნამდვილი ინგრედიენტებით, ხელოვნური დანამატების გარეშე - https://www.metiprotein.com/

სამუშაო გრაფიკი:

ორშაბათი-პარასკევი, 09:00-18:00
სამუშაო ადგილი: METI-ის საწარმოო ობიექტი, თბილისი, საბურთალო

პოზიციის შესახებ:

ვეძებთ ორგანიზებულ, პასუხისმგებლობიან და ენერგიულ ადამიანს, რომელიც უხელმძღვანელებს ჩვენი საწარმოო ობიექტის ყოველდღიურ საოპერაციო პროცესებს. მისი მთავარი პასუხისმგებლობა იქნება საწარმოს გამართული მუშაობის უზრუნველყოფა, საჭირო მარაგების მართვა, ტექნიკური საკითხების მოგვარება და HACCP-ისა და სურსათის უვნებლობის მოთხოვნების დაცვის კონტროლი. საჭიროების შემთხვევაში, მენეჯერი ასევე დაეხმარება საწარმოო გუნდს ყოველდღიურ საქმიანობაში.

ძირითადი მოვალეობები:

** საწარმოს მართვა და მოვლა: საწარმოს მოწესრიგებულობისა და გამართული მუშაობის უზრუნველყოფა; საჭიროების შემთხვევაში, ტექნიკისა და სივრცის შეკეთებისა და ტექნიკური მომსახურების ორგანიზება.
** HACCP და სურსათის უვნებლობა: თანამშრომლების მიერ HACCP-ის პროცედურებისა და ჰიგიენის წესების დაცვის კონტროლი; აუცილებელი ჩანაწერებისა და დოკუმენტაციის დროული და სწორად შევსების უზრუნველყოფა.
** დამზადებული პროდუქციის ხარისხის კონტროლი: მზადების პროცესში დაკვირვება და დაზუსტება რომ პროდუქცია შეესაბამება წინასწარ გაწერილ სტანდარტებს
** ოპერაციების გაუმჯობესება: ოპერაციების გაუმჯობესების შესახებ ინიციატივების გამოჩენა და პროცესის დანერგვა (საჭიროების შემთხვევაში). მიმდინარე პრობლემების დროული აღმოფხვრა
** შესყიდვების და მარაგების მართვა: ნედლეულის, შეფუთვის მასალების, საწმენდი საშუალებებისა და სხვა საჭირო ნივთების მარაგების კონტროლი და დროული შეკვეთა (მათ შორის ონლაინ გამოწერა).
** შეკვეთები და ლოჯისტიკა: შემოსული შეკვეთების გამზადება და მიწოდების კოორდინაცია
** ვიზიტორების კოორდინაცია: საწარმოს ვიზიტორებთან საკონტაქტო პირის ფუნქციის შესრულება, ვიზიტების ორგანიზება და სტუმრების მისაღებად საწარმოს მზადყოფნის უზრუნველყოფა.
** წარმოების პროცესში მონაწილეობა: საჭიროების შემთხვევაში, პრაქტიკული დახმარება წარმოების პროცესში, მაგალითად, ფინიკის გასუფთავება, შეფუთვაზე ვარგისიანობის ვადის დატანა, პროდუქციის შეფუთვა და სხვა მსგავსი სამუშაოები.

საკვალიფიკაციო მოთხოვნები:

** საწარმოს მართვის, საოპერაციო საქმიანობის, მარაგების მართვის, სურსათის წარმოების ან მსგავს პოზიციაზე მუშაობის გამოცდილება ჩაითვლება უპირატესობად.
** HACCP-ისა და სურსათის უვნებლობის პრინციპების ცოდნა ჩაითვლება უპირატესობად. აუცილებელია შესაბამისი პროცედურების შესწავლისა და დაცვის მზაობა.
** კომპიუტერის საბაზისო ცოდნა და ონლაინ პლატფორმებთან, ელფოსტასთან, ციფრულ დოკუმენტაციასთან მუშაობის უნარი (მაგ. Google Drive, Google Doc, Google Spreadsheet)
** ქართული ენის ცოდნა სავალდებულოა. ინგლისური ენის ცოდნა ჩაითვლება უპირატესობად.
** ორგანიზებულობა, დეტალებზე ორიენტირებულობა და პასუხისმგებლობის მაღალი გრძნობა.
** რამდენიმე ამოცანის ერთდროულად მართვის, პრიორიტეტების განსაზღვრისა და პრაქტიკული პრობლემების დამოუკიდებლად გადაჭრის უნარი.
** კომუნიკაციისა და კოორდინაციის კარგი უნარები.
საჭიროების შემთხვევაში, პრაქტიკული სამუშაოების შესრულებისა და საწარმოო გუნდის დახმარების მზაობა.
** პროცედურების დაცვისა და ზუსტი ჩანაწერების წარმოების უნარი.