კლინიკა რეიმანი
ოჯახის ექიმი
შეთანხმებით
ახალი
თბილისი · ადგილზე
სრული განაკვეთი
კლინიკა „რეიმანი“ აცხადებს ვაკანსიას ოჯახის ექიმის თანამდებობაზე.
ძირითადი ფუნქცია-მოვალეობები:
- პაციენტების მიღება და მათ ჯანმრთელობაზე ზრუნვა ოჯახის ექიმის კომპეტენციის ფარგლებში: სრულყოფილი ანამნეზის შეკრება, ფიზიკური გასინჯვა, პაციენტის ჯანმრთელობის პრობლემის შეფასება ჰოლისტური მიდგომის გათვალისწინებით, პრობლემის/დიაგნოზის ფორმულირება, სამუშაო გეგმის შედგენა, პარაკლინიკური გამოკვლევების და რეფერალის დაგეგმვა და ორგანიზება, პრევენციული, სამკურნალო, სარეაბილიტაციო რეკომენდაციების შემუშავება და მათი შესრულების მეთვალყურეობა.
- სამედიცინო დოკუმენტაციის წარმოება, ძირითადად, ელექტრონულ ფორმატში და სათანადო მონაცემების შეყვანა ელექტრონული სამედიცინო ჩანაწერების სისტემასა და სხვა მონაცემთა ბაზებში;
- სამედიცინო (ფორმა №IV-100/ა, საავადმყოფო ფურცელი, სხვადასხვა ჟურნალები) და ფინანსური დოკუმენტაციის წარმოება;
- პაციენტებთან საგანმანათლებლო მუშაობის წარმოება;
- პაციენტთა ჯანმრთელობაზე დაკვირვება, მათ შორის, მკურნალობის შედეგების მონიტორინგი, პაციენტების ხანგრძლივი მეთვალყურეობა, აქტიური მოკითხვა;
- სადაზღვევო ფინანსური დოკუმენტაციის გაცემისას სადაზღვევო პოლისის პირობების დაცვა;
- პაციენტისთვის სამედიცინო დახმარების აღმოჩენის პროცესში კლინიკის სპეციალისტებთან და პროვაიდერ კლინიკებთან პაციენტის კომუნიკაციის კოორდინირების უზრუნველყოფა;
- ელექტროკარდიოგრამის გადაღება/ინტერპრეტაცია და სხვა სამედიცინო მანიპულაციების შესრულება;
- კლინიკის სამედიცინო და არასამედიცინო პერსონალთან კოლეგიალური ურთიერთობა;
- სამედიცინო ეთიკის პრინციპების დაცვა;
- ფარმაცევტულ თუ სხვა ინდუსტრიასთან ურთიერთობისას კლინიკის შიდა პოლიტიკის დაცვა;
- კლინიკის უწყვეტი პროფესიული განვითარების პროგრამაში მონაწილეობა.
საკვალიფიკაციო მოთხოვნები:
- სახელმწიფო სერტიფიკატის ფლობა სპეციალობაში „საოჯახო მედიცინა“. გამონაკლისის სახით დასაშვებია სერტიფიკატის ფლობა სპეციალობაში „შინაგანი მედიცინა“.
- ანალოგიურ პოზიციაზე მუშაობის გამოცდილება (ჩაითვლება უპირატესობად).
ცოდნა, უნარები:
- ინგლისური ენის ცოდნა (სავალდებულოა სამედიცინო ლიტერატურის კითხვის დონეზე);
- საოფისე პროგრამების სამომხმარებლო დონეზე ცოდნა;
- გუნდური მუშაობის უნარი და კოლეგიალურობა;
- დროის მენეჯმენტი;
- კომუნიკაბელურობა, პუნქტუალობა, ორგანიზებულობა;
- ყურადღება დეტალების მიმართ, ანალიტიკური აზროვნების უნარი.
სამუშაო პირობები:
სამუშაო გრაფიკი: კვირაში 36 სამუშაო საათი.
სამუშაოს ადგილმდებარეობა:
- ქ.თბილისი, ზ.ანჯაფარიძის 1 შეს. N3
- ქ.თბილისი, არტურ ლაისტის ქ.N1 (ისანი)
შერჩევის ეტაპები:
- მიღებული რეზიუმეების ანალიზი და წინასწარი შერჩევა;
- ინდივიდუალური გასაუბრება;
- ტესტირება
ჩვენთან დასაქმების შემთხვევაში გთავაზობთ:
- პროფესიონალ გუნდთან ერთად მუშაობის შესაძლებლობას;
- პროფესიული განვითარების შესაძლებლობას;
- ჯანმრთელობის კორპორატიულ დაზღვევას.
გისურვებთ წარმატებებს!
