მზარეული — რესტორანი ბაღი

პოზიცია: მზარეული

იურიდიული ერთეული: შპს "ლინჩი", რესტორანი "ბაღი"

მისამართი: ქ. თბილისი, ხიდის ქ. 1 (დედაენის ბაღი)

უშუალო ხელმძღვანელი: შეფი

სამუშაოს მიზანი:
მზარეულის სამუშაოს მიზანია სტანდარტების დაცვით კერძების მომზადება და სამზარეულოს პროცესებში პროფესიონალური ჩართულობით, გუნდის პროდუქტიულობისა და ხარისხის გაუმჯობესება.

ანგარიშვალდებულია: შპს "ლინჩის" დირექტორის და შეფის წინაშე.

აღნიშნული გულისხმობს ანგარიშვალდებული პირების მიერ დასაქმებულის მიმართ დავალებების/ინსტრუქციების მიღების უფლებამოსილებას და დასაქმებულის მიმართ დისციპლინური ღონისძიებების გატარებას დამსაქმებლის შრომის შინაგანაწესის შესაბამისად.

სამუშაო მოთხოვნები:

• პუნქტუალურობა;
• სტრესულ გარემოში მუშაობის უნარი;
• სამზარეულოში მუშაობის მინიმალური გამოცდილება;
• იყოს კოლეგიალური და გუნდური მოთამაშე საერთო წარმატების მისაღწევად.

ძირითადი მოვალეობები:

კერძების მომზადება და ხარისხის კონტროლი

• უზრუნველყოს ყველა კერძის მომზადება სიზუსტით, დადგენილი სტანდარტების დაცვით და მინიმალური დანაკარგით;
• გააკონტროლოს კერძის საბოლოო ხარისხი - ვიზუალური სახე, რაოდენობა, ტემპერატურა და სერვირების წესები, გატანამდე;
• მოამარაგოს წინასწარ ყველა საჭირო პროდუქტი კერძის მოსამზადებლად, ეფექტური და უწყვეტი პროცესის უზრუნველსაყოფად;
• მიიღოს მონაწილეობა ახალი რეცეპტებისა და მენიუს პუნქტების შექმნის პროცესში, შიდა ინოვაციების ხელშესაწყობად.

პროდუქტების და ინვენტარის მართვა

• განახორციელოს საკვების დახარისხება და სწორი პირობებით შენახვა HACCP-ის წესების დაცვით;
• შეამოწმოს ტემპერატურისა და ვარგისიანობის სტიკერები რეგულარულად, სურსათის უსაფრთხოების უზრუნველსაყოფად;
• შეამოწმოს სამზარეულოს ინვენტარის მდგომარეობა და ხარვეზის აღმოჩენის შემთხვევაში დროულად მიაწოდოს ინფორმაცია უშუალო ხელმძღვანელს;
• უზრუნველყოს სამზარეულოში არსებული დანადგარების სწორად და უსაფრთხოდ გამოყენება, შესაბამისი ინსტრუქციების დაცვით;
• ჩაერთოს HACCP სისტემის ადმინისტრირებაში — უზრუნველყოს საკონტროლო წერტილების მონიტორინგი და შესაბამისი დოკუმენტაციის შევსება;
• გააკონტროლოს მისი სექციის ინვენტარისა და საჭირო რესურსების მზადყოფნა ცვლის დაწყებამდე, ხოლო ცვლის დასრულების შემდეგ უზრუნველყოს სამუშაო სივრცის მოწესრიგება და სტანდარტების დაცვა;
• იმუშაოს ეფექტურად მაღალი დატვირთვის პირობებში, შეინარჩუნოს ხარისხიანი მომსახურება და პროფესიონალიზმი.