მობილიზაციის მენეჯერი — სმარტ სოლუშენს

სამშენებლო კომპანია "სმარტ სოლუშენსი" აცხადებს ვაკანსიას მობილიზაციის მენეჯერის პოზიციაზე.

კომპანიის საქმიანობის სფეროა, ინფრასტრუქტურული და სამოქალაქო მშენებლობები.

სამუშაო ადგილი: საქართველო

სამუშაო გრაფიკი: 09:00-18:00 სთ., ორშაბათიდან შაბათის ჩათვლით

მოვალეობები:

• კომპანიის საკუთრებაში არსებული და დაქირავებული მძიმე ტექნიკისა და მექანიზაციის მართვა და კონტროლი;
• ტექნიკის განაწილება მიმდინარე ობიექტებზე სამუშაოების საჭიროებისა და პრიორიტეტების მიხედვით;
• ექსკავატორების, დამტვირთველების, გრეიდერების, კატოკების, ბულდოზერების, თვითმცლელებისა და სხვა ტექნიკის სამუშაო პროცესის კოორდინაცია;
• ტექნიკის ყოველდღიური მუშაობის, მოტოსაათებისა და მოცდენების კონტროლი;
• ტექნიკის გამართულობის კონტროლი და გეგმური ტექნიკური მომსახურების ორგანიზება;
• დაზიანებული ტექნიკის შეკეთების პროცესის ოპერატიული ორგანიზება და კონტროლი;
• სათადარიგო ნაწილების, ზეთების, ფილტრებისა და სხვა საჭირო მასალების დროული უზრუნველყოფა;
• საწვავის მოხმარების აღრიცხვა და კონტროლი;
• მექანიზაციის ხარჯების მონიტორინგი და ოპტიმიზაცია;
• ოპერატორებისა და მძღოლების სამუშაოს კოორდინაცია და კონტროლი;
• ობიექტების ხელმძღვანელებთან და პროექტის მენეჯერებთან ყოველდღიური კომუნიკაცია ტექნიკის საჭიროებებთან დაკავშირებით;
• დაქირავებული ტექნიკის მოძიება, ფასების შედარება და მომწოდებლებთან პირობების შეთანხმება;
• ტექნიკის შესაბამისი დოკუმენტაციისა და პერიოდული ანგარიშგების წარმოება.

უნარ-ჩვევები:

• ძლიერი ანალიტიკური და ორგანიზაციული უნარი;
• ცვალებად სამშენებლო გარემოში მუშაობის უნარი;
• ძლიერი კომუნიკაციისა და გუნდური მუშაობის უნარი;
• სწრაფად სწავლისა და ინიციატივის გამოხატვის უნარი;
• დეტალებზე ორიენტირებულობა.

მოთხოვნები:

• სამშენებლო ტექნიკასთან და მძიმე მექანიზაციასთან მუშაობის გამოცდილება;
• სხვადასხვა ტიპის ტექნიკის მუშაობისა და დანიშნულების კარგი ცოდნა;
• ტექნიკური გაუმართაობების პირველადი შეფასების უნარი;
• სამუშაოების დაგეგმვისა და რამდენიმე ობიექტის ერთდროულად კოორდინაციის უნარი;
• პასუხისმგებლობის მაღალი გრძნობა და ოპერატიული გადაწყვეტილებების მიღების უნარი;
• საოფისე პროგრამების, განსაკუთრებით Excel-ის, საბაზისო/კარგ დონეზე ცოდნა;
• მართვის მოწმობა;
• მსგავს პოზიციაზე ან სამშენებლო სფეროში მუშაობის გამოცდილება ჩაითვლება უპირატესობად.