ინვენტარიზაციის სპეციალისტი — ნიკორა

სს "ნიკორა მენეჯმენტ ჯგუფის" შვილობილი კომპანია შპს "ნიკორა" აცხადებს ვაკანსიას ინვენტარიზაციის სპეციალისტის პოზიციაზე.

სამუშაო პირობები:

• სამუშაო ადგილი: ნაძალადევი, ალ. მრევლიშვილის #2
• ანაზღაურება: 1500 ლარი
• გრაფიკი: 09:00-18:00 (ორშაბათი-პარასკევი)

ძირითადი ფუნქცია-მოვალეობები:

• საწარმოო საწყობებში რეგულარული ინვენტარიზაციების დაგეგმვა, მათი ჩატარების უზრუნველყოფა და პროცესის მონიტორინგი
• ინვენტარიზაციის შედეგების ანალიზი. ფიზიკურ და პროგრამულ ნაშთებს შორის აცდენის აღმოჩენის შემთხვევაში, მოკვლევა და მიზეზის დადგენა
• ინვენტარიზაციის შედეგების პასუხისმგებელ პირებთან გავლა და დოკუმენტირება
• ინვენტარიზაციის პროცესის გამართვასა და დახვეწაში მუდმივი ჩართულობა
• მონიტორინგისთვის საჭირო ყველა ხელსაწყოს გამოყენება (სააღრიცხვო პროგრამა, ვიდეომონიტორინგის სისტემა, პერსონალის მართვისა და აღრიცხვის ელექტრონული სისტემა, დავალებების მართვისა და აღრიცხვის ელექტრონული სისტემა)
• უშუალო ხელმძღვანელისთვის რეგულარული ანგარიშების/მოხსენებების წარდგენა
• საკუთარი სამუშაო სპეციფიკიდან გამომდინარე, ორგანიზაციის მიზნებისა და ამოცანების შესაბამისად, უშუალო ხელმძღვანელის დავალებით, კომპეტენციის ფარგლებში, სხვა უფლებამოსილების განხორციელება

ძირითადი მოთხოვნები:

• უმაღლესი განათლება (ბაკალავრის ხარისხი)
• საოფისე პროგრამების სამომხმარებლო დონეზე ცოდნა (Word, Excel)
• მონიტორინგის მიმართულებით სამუშაო გამოცდილება ჩაითვლება უპირატესობად
• ბუღალტრული პროგრამის (ERP) ცოდნა ჩაითვლება უპირატესობად

პიროვნული უნარ-ჩვევები:

• სწრაფი ადაპტაციის უნარი
• ორგანიზებისა და დაგეგმვის უნარი
• სისწრაფე და მოქნილობა
• დეტალებზე ორიენტირებულობა
• სტრესულ გარემოში მუშაობის უნარი