ინფორმაციული ტექნოლოგიების აუდიტის განყოფილების აუდიტორი — ბანკი ქართუ

სს "ბანკი ქართუ" აცხადებს ვაკანსიას ინფორმაციული ტექნოლოგიების აუდიტის განყოფილების აუდიტორის თანამდებობაზე.

დეპარტამენტი: შიდა აუდიტის დეპარტამენტი

ადგილმდებარეობა: ქ. თბილისი, სათავო ოფისი

ფუნქციები და მოვალეობები:

• საინფორმაციო ტექნოლოგიებისა და ინფორმაციული უსაფრთხოების მიმართულებებით რისკზე დაფუძნებული აუდიტის მოკლევადიანი და გრძელვადიანი სამუშაო გეგმების შემუშავებაში მონაწილეობა;
• დამტკიცებული აუდიტის გეგმისა და მეთოდოლოგიის შესაბამისად აუდიტების განხორციელება; ასევე, საჭიროების შემთხვევაში თემატურ შემოწმებებში და აუდიტის სხვა პროექტებში მონაწილეობა;
• აუდიტის ჩატარებით ინფორმაციულ აქტივებთან დაკავშირებული რისკების იდენტიფიცირება, არსებული კონტროლის მექანიზმების ანალიზი და მათი გაუმჯობესების რეკომენდაციების შემუშავება;
• ბიზნესპროცესებისთვის გაწეული IT მხარდაჭერის სისრულისა და ეფექტურობის შეფასება;
• IT მიმართულებაში განხორციელებული ხარჯებისა და ინვესტიციების მიზანშეწონილობის ანალიზი;
• შიდა ნორმატიული აქტების ანალიზი - პოლიტიკებისა და პროცედურების შეფასება;
• ბანკის შესაბამისობის შეფასება საკანონმდებლო, სხვა რეგულაციურ მოთხოვნებთან და საუკეთესო პრაქტიკებთან;
• აუდიტის ანგარიშების მომზადება, დასკვნებისა და რეკომენდაციების ჩამოყალიბება და წარდგენა;
• გაცემული რეკომენდაციების შესრულების მონიტორინგი და შემდგომი შემოწმებების (Follow-up) განხორციელება;
• შიდა აუდიტის საერთაშორისო პროფესიული სტანდარტებისა (IIA Standards) და ეთიკის კოდექსის მოთხოვნების დაცვა.

საკვალიფიკაციო მოთხოვნები:

სავალდებულო:

• მუშაობის გამოცდილება ფინანსური სექტორის ინფორმაციული უსაფრთხოების, IT აუდიტის ან IT პროცესების შეფასების მიმართულებით;
• IT სისტემების, აპლიკაციების და ინფრასტრუქტურის ცოდნა;
• საქართველოს ეროვნული ბანკის რეგულაციების, საბანკო კანონმდებლობის, ინფორმაციულ ტექნოლოგიებთან და ინფორმაციულ უსაფრთხოებასთან დაკავშირებული ჩარჩოების, სტანდარტების და მეთოდოლოგიების ცოდნა (COBIT, ITIL, ISO, NIST, PCI DSS, SWIFT CSP);
• ქართული და ინგლისური ენების სრულყოფილი ცოდნა;
• ძლიერი ანალიტიკური უნარები და დამოუკიდებლად მუშაობის შესაძლებლობა.

სასურველი:

• საერთაშორისო პროფესიული სერტიფიკატების ფლობა (ISO, CISA, CISM, CISSP, CIA ან სხვა);
• საბანკო საქმიანობის მარეგულირებელი ჩარჩოსა და საერთაშორისო აუდიტის სტანდარტების ცოდნა;
• საგადახდო ინსტრუმენტების და ციფრული ბანკინგის პროდუქტების ცოდნა;
• მონაცემთა ანალიზისა და აუდიტორული პროგრამული ინსტრუმენტების გამოყენების გამოცდილება.

უნარები და თვისებები:

• სტრატეგიული და ანალიტიკური აზროვნება;
• მაღალი პასუხისმგებლობის გრძნობა;
• დეტალებზე ორიენტირებულობა;
• გუნდური და დამოუკიდებლად მუშაობის უნარი;
• კონფიდენციალურობის დაცვის მაღალი სტანდარტი;
• ორგანიზებულობა და დროის ეფექტიანი მართვა;
• ობიექტურობა და პროფესიული ეთიკის დაცვა;
• კომუნიკაციისა და დიპლომატიური ურთიერთობის უნარი;
• პროფესიული განვითარებისკენ მუდმივი სწრაფვა.

განაცხადების გამოგზავნის ბოლო ვადაა 2026 წლის 05 ივლისი.