ექაუნთ მენეჯერი — რეალ ტრანსი

შპს "რეალ ტრანსი" საქართველოში ერთ-ერთი უმსხვილესი გადამზიდავი კომპანიაა, რომელიც ოპერირებს საქართველოში, სომხეთსა და აზერბაიჯანში.

ჩვენს გუნდში ვეძებთ მოტივირებულ, ორგანიზებულ და კომუნიკაბელურ ექაუნთ მენეჯერს, რომელიც იზრუნებს არსებულ კლიენტებთან ყოველდღიურ ურთიერთობაზე, მათი შეკვეთების კოორდინაციასა და მომსახურების პროცესში წარმოშობილი საკითხების დროულად მოგვარებაზე.

ამ პოზიციაზე თქვენი მთავარი როლი იქნება კლიენტსა და ლოჯისტიკურ დეპარტამენტს შორის ეფექტიანი კომუნიკაციის უზრუნველყოფა -შეკვეთის მიღებიდან მის შესრულებამდე.

ძირითადი მოვალეობები:

** არსებულ კლიენტებთან ყოველდღიური კომუნიკაცია, მათი მოთხოვნებისა და საჭიროებების დაზუსტება;
** კლიენტებისგან გადაზიდვის შეკვეთების მიღება, საჭირო ინფორმაციის შეგროვება და ლოჯისტიკური დეპარტამენტისთვის სრულად და დროულად გადაცემა;
** ლოჯისტიკური დეპარტამენტისგან მიღებული ინფორმაციის კლიენტებისთვის მიწოდება, მათ შორის მომსახურების პირობების, ვადებისა და გადაზიდვის მიმდინარეობის შესახებ;
** მიმდინარე შეკვეთების სტატუსის მონიტორინგი და ცვლილებების შესახებ კლიენტების დროული ინფორმირება;
** მიმაგრებული კლიენტების დებიტორული დავალიანებების კონტროლი, გადახდის ვადების მონიტორინგი და დავალიანების დროულად დაფარვის მიზნით კლიენტებთან თავაზიანი, საქმიანი კომუნიკაცია, ფინანსურ დეპარტამენტთან კოორდინაციით;
** შეკვეთების, შეთანხმებული პირობებისა და კლიენტებთან კომუნიკაციის შესახებ ინფორმაციის ზუსტად აღრიცხვა კომპანიის სამუშაო სისტემაში;
** კომერციული მოლაპარაკებები და ახალი ბიზნეს შესაძლებლობების განვითარება
** კლიენტებთან სანდო, გრძელვადიანი ურთიერთობების შენარჩუნება და მომსახურების ხარისხზე ზრუნვა.

საკვალიფიკაციო მოთხოვნები:

** გამართული ზეპირი და წერილობითი კომუნიკაციის უნარი;
** ორგანიზებულობა, დეტალების მიმართ ყურადღება და პასუხისმგებლიანი დამოკიდებულება;
** რამდენიმე მიმდინარე საკითხის ერთდროულად მართვისა და პრიორიტეტების განსაზღვრის უნარი;
** საოფისე პროგრამებთან (Microsoft Word, Excel) მუშაობის გამოცდილება;
** კლიენტთა მომსახურების, გაყიდვების ან ლოჯისტიკის სფეროში მუშაობის გამოცდილება;
** ინგლისური ან რუსული ენის ცოდნა.

სამუშაო პირობები:

** სამუშაო გრაფიკი: ორშაბათი-პარასკევი, 10:00-18:00;
** სამუშაო ადგილი: თბილისი, ავჭალა, ელეფთერ ანდრონიკაშვილის ქუჩა.
** ანაზღაურება - 2500 ლარი