მთავარი მზარეული, მეხინკლე, დიასახლისი, მასპინძელ-მიმღები
სასტუმრო-რესტორანი "ძველ უბანში" აცხადებს ვაკანსიებს შემდეგ პოზიციებზე გორში . 1. მთავარი მზარეული (Head Chef) ორგანიზაციის შესახებ: სასტუმრო-რესტორანი "ძველ უბანში" არის გორში დამკვიდრებული სტუმარმასპინძლობის ობიექტი, რომელიც სპეციალიზებულია ქართული ტრადიციული სამზარეულოს მიმართულებით. ობიექტი გთავაზობთ სრულ სასტუმრო სერვისს, რესტორანს, ქართულ სანადიმოს და მარანს. გვინდა გუნდში მივიღოთ მაღალკვალიფიციური, გამოცდილი მთავარი მზარეული, რომელიც სრულად აიღებს პასუხისმგებლობას სამზარეულოს ოპერაციებზე. ძირითადი მოვალეობები: ** კულინარიული მართვა: ქართული ტრადიციული მენიუს შემუშავება, სისტემატური განახლება და სეზონური კერძების დამატება. ყველა გამოსული კერძის ხარისხის, გემოვნების და პრეზენტაციის მაღალი სტანდარტის უზრუნველყოფა. კერძების პორციების, ტექნოლოგიური ბარათების და სტანდარტული რეცეპტების შემუშავება და კონტროლი. ბანკეტური, საქორწინო, კორპორატიული და სხვა სპეციალური ღონისძიებების მენიუს დაგეგმვა და მომზადება. ** პერსონალის მართვა: სამზარეულოს პერსონალის ყოველდღიური ხელმძღვანელობა, კოორდინაცია და შეფასება. ახალი თანამშრომლების ადაპტაცია, ტრენინგი და კვალიფიკაციის ამაღლება. სამუშაო განრიგის შედგენა, ფუნქციების განაწილება და სამზარეულოს ეფექტიანი მუშაობის უზრუნველყოფა. კოლექტივში პოზიტიური, დისციპლინირებული და პროფესიული სამუშაო გარემოს შენარჩუნება. ** ოპერაციული მართვა: პროდუქტების შეძენის კოორდინაცია, მომწოდებლებთან ურთიერთობა და ნედლეულის ხარისხის კონტროლი. სამზარეულოს მარაგების და ინვენტარიზაციის ეფექტიანი მართვა. სამზარეულოს ბიუჯეტის კონტროლი და ხარჯების ოპტიმიზაცია ხარისხის შეუმცირებლად. სანიტარიული, ჰიგიენური და უსაფრთხოების ნორმების სრული დაცვის უზრუნველყოფა. საკვალიფიკაციო მოთხოვნები: ** სავალდებულო: მინიმუმ 3-5 წლიანი გამოცდილება მზარეულის, მათ შორის უფროსი მზარეულის პოზიციაზე. ქართული ტრადიციული სამზარეულოს ღრმა და დამოწმებული ცოდნა. პერსონალის მართვისა და გუნდური მუშაობის დადასტურებული გამოცდილება. მაღალი პასუხისმგებლობის გრძნობა, ორგანიზებულობა და პუნქტუალობა. სტრესულ, ინტენსიურ გარემოში ეფექტიანად მუშაობის უნარი. ** სასურველი: პროფესიული კულინარიული ან სასტუმრო-რესტორნული განათლება. გამოცდილება სასტუმრო-რესტორნის ფორმატში. სეზონური და რეგიონული ქართული კერძების ცოდნა. სამუშაო პირობები ** სამუშაო გრაფიკი: კვირაში 5 სამუშაო დღე, 2 დასვენება. ** სახელფასო დიაპაზონი: 2, 000 - 3, 500 ლარი . ** საბოლოო შეთავაზება განისაზღვრება ინდივიდუალურად, კვალიფიკაციისა და გამოცდილების გათვალისწინებით. ** ყველა კანდიდატთან გავმართავთ ინდივიდუალურ გასაუბრებას. 2. გამოცდილ მეხინკლეს საჭიროა ხინკლის ცომის და შიგთავსის მომზადება, ხელით ძერწვა და მოხარშვა, სამუშაო ადგილის სისუფთავის დაცვა და პასუხისმგებლიანი დამოკიდებულება საქმისადმი. გვაქვს ცომსაზელი აპარატი, თუმცა გვსურს ობიექტზე როგორც ინდუსტრიულ, ასევე სახლური წესით დამზადებული ხინკალიც გვქონდეს. სამუშაო საათები: 12:00-22:00, ანაზღაურება: 80 ლარი დღეში. თვეში 15-20 დღე სამუშაო. 3. პასუხისმგებლიანი და სისუფთავის მოყვარული დიასახლისი . მოვალეობები მოიცავს სასტუმროს ნომრების, სველი წერტილების, დერეფნების, საერთო სივრცეებისა და მთლიანი ობიექტის სისუფთავისა და წესრიგის შენარჩუნებას. სამზარეულოს გარდა პასუხისმგებელი იქნება ობიექტის ყველა ზონაზე და ნომრების მომზადებაზე სტუმრებისთვის. სამუშაო: 15 დღე თვეში, ანაზღაურება: 800 ლარი. 4. მასპინძელ-მიმღებს , რომელიც უზრუნველყოფს სტუმრების პროფესიონალურ მომსახურებას. პასუხისმგებელი იქნება სტუმრების მიღება-გაცილებაზე, Booking.com-იდან ჯავშნების მიღებასა და დამუშავებაზე, სტუმრებთან კომუნიკაციაზე და დადებითი რევიუების წახალისებაზე. კანდიდატს მოეთხოვება: ** ინგლისური ენის ცოდნა, ** სტუმართმოყვარეობა, ** კომპიუტერის ელემენტარული დონეზე ფლობა ** დადებითი განწყობა. სამუშაო გრაფიკი: 24 საათიანი მორიგეობა, 10 სამუშაო დღე თვეში. ანაზღაურება: 850 ლარი დადებითი რევიუებისა და პოზიტიური შეფასებების შემთხვევაში დამატებით ბონუსი.
