აუდიტორის ასისტენტი — PKF Georgia

საერთაშორისო აუდიტორული კომპანია PKF Georgia აცხადებს ვაკანსიას აუდიტორის ასისტენტის პოზიციაზე.

დამატებითი ინფორმაცია:

• გამოსაცდელი ვადა: 6 თვე
• სამუშაო განაკვეთი: სრული განაკვეთი, 5 სამუშაო დღე
• სამუშაო საათები: 10:00-18:30
• სამუშაო ადგილი: ქ. თბილისი, იაკობ ნიკოლაძის #3

საკვალიფიკაციო მოთხოვნები:

• უმაღლესი განათლება აუდიტის, ფინანსების, ეკონომიკის ან ბუღალტრული აღრიცხვის მიმართულებით (ასევე განიხილებიან დამამთავრებელი კურსის სტუდენტები);
• ინგლისური ენის ცოდნა მინიმუმ B2 დონეზე - წერითი და ზეპირი კომუნიკაციის უნარი;
• MS Office-ის პროგრამების მაღალ დონეზე ცოდნა, განსაკუთრებით Microsoft Excel-ის;
• ფინანსების, ბუღალტრული აღრიცხვის ან აუდიტის მიმართულებით სამუშაო გამოცდილება ჩაითვლება უპირატესობად;
• ფინანსური ანგარიშგების საერთაშორისო სტანდარტების (IFRS) ძირითადი საბაზისო ცოდნა;
• ACCA-ს პროფესიული კვალიფიკაციის მიმართულებით სწავლება ან შესაბამისი გამოცდების ჩაბარება ჩაითვლება უპირატესობად.

პიროვნული თვისებები:

• ანალიტიკური აზროვნების უნარი;
• დროის ეფექტურად მართვის უნარი;
• დეტალებზე ორიენტირებულობა;
• გუნდური მუშაობის უნარი;
• პასუხისმგებლობის მაღალი გრძნობა;
• შედეგებზე ორიენტირებულობა;
• პროფესიული განვითარების მოტივაცია;
• პროაქტიულობა.

ძირითადი ფუნქცია-მოვალეობები:

აუდიტის ჩატარებისას აუდიტორის მიერ ჩასატარებელ პროცედურებში მონაწილეობა. კერძოდ:

• აუდიტის პროექტების ფარგლებში დაგეგმილი აუდიტორული პროცედურების შესრულება;
• კლიენტი კომპანიის საქმიანობის, ძირითადი ბიზნეს პროცესებისა და შიდა კონტროლის სისტემის შესწავლასა და ტესტირებაში მონაწილეობა;
• ფინანსური ანგარიშგების ცალკეული მუხლების აუდიტში მონაწილეობა და შესაბამისი აუდიტორული პროცედურების შესრულება;
• აუდიტორული მტკიცებულებების მოპოვება და შესაბამისი დამადასტურებელი დოკუმენტაციის შემოწმება;
• წინა პერიოდის აუდიტის შედეგებისა და სამუშაო დოკუმენტაციის მიმოხილვა;
• ინვენტარიზაციის პროცესზე დაკვირვება და შერჩევითი გადათვლების განხორციელება;
• აუდიტის სამუშაო დოკუმენტაციის მომზადება და სისტემატიზაცია;
• აუდიტის პროცესში გამოვლენილი საკითხების განხილვა აუდიტის გუნდის წევრებთან;
• აუდიტის პროექტებთან დაკავშირებული სხვა დავალებების შესრულება.

რას გთავაზობთ:

• პროფესიულ, მეგობრულ და სტაბილურ სამუშაო გარემოს;
• გამოცდილი აუდიტორებისგან პრაქტიკული ცოდნის მიღებისა და მენტორობის შესაძლებლობას;
• სხვადასხვა სფეროში მოქმედ კომპანიებთან და მრავალფეროვან აუდიტორულ პროექტებზე მუშაობის შესაძლებლობას;
• კარიერული წინსვლის გამჭვირვალე და მკაფიო სისტემას;
• კონკურენტულ ანაზღაურებას;
• კომპანიის მიერ ორგანიზებულ ტრენინგებსა და პროფესიულ სწავლებებს;
• პროფესიული კვალიფიკაციის ამაღლებისა და შესაბამისი სწავლის დაფინანსებას;
• ჯანმრთელობის დაზღვევას.