უფროსი ინტერიერის დიზაინერი
m² უკვე 18 წელია საქართველოში ქმნის კომფორტული ცხოვრების ახალ, თანამედროვე სტანდარტს. კომპანიას მნიშვნელოვანი ადგილი უჭირავს ქვეყნის უძრავი ქონების ბაზარზე, რაც განპირობებულია მისი გუნდის მაღალი პროფესიონალიზმითა და ინოვაციური მიდგომებით.
ხოლო თუ მუდმივად ეძებ საქმის გაუმჯობესების შესაძლებლობას, იჩენ ინიციატივას და შენთვის ცვლილებები საინტერესო გამოწვევაა, მაშინ შემოუერთდი m²-ის გუნდს!
"m²" აცხადებს ვაკანსიას უფროსი ინტერიერის დიზაინერის თანამდებობაზე.
ძირითადი მოვალეობები:
- დიზაინერების კოორდინაცია, სამუშაოს სწორად გადანაწილება და პროექტების შესრულების კონტროლი;
- დამკვეთის დახმარება ინტერიერის დაგეგმვაში, საქართველოში არსებული კანონმდებლობისა და მოთხოვნების შესაბამისად;
- საერთო სარგებლობის სივრცეების დიზაინის შემუშავება და კოორდინაცია ობიექტზე;
- მიმდინარე პროექტების ზედამხედველობა ობიექტზე დიზაინის ნაწილში, საჭიროების შემთხვევაში ხარვეზების სწრაფი ანალიზი, რეკომენდაციების გაცემა ან პროექტის კორექტირება;
- ბინებისა და საერთო სარგებლობის სივრცეების ნაწილში არქიტექტურული ნახაზების დამუშავება და შემოწმება;
- მოცულობებისა და სხვა საჭირო ინფორმაციის მუშა დოკუმენტაციიდან ამოღება/დამუშავება;
- საჭიროების შემთხვევაში სარემონტო მასალების შერჩევა, სპეციფიკაციების დამუშავება.
სავალდებულო საკვალიფიკაციო მოთხოვნები:
- უმაღლესი პროფესიული განათლება (ინტერიერის დიზაინერის ან/და არქიტექტორის კვალიფიკაციით);
- სამუშაო გამოცდილება დიზაინისა ან/და არქიტექტურის სფეროში.
აუცილებელი ცოდნა და უნარები:
- არქიტექტურული პროგრამები:
- პროფესიულ დონეზე ცოდნა - ArchiCAD;
- საშუალო დონეზე ცოდნა - AutoCAD და Excel;
- Revit, 3D Max და Adobe Photoshop ჩაითვლება უპირატესობად;
- ინგლისური და რუსული ენების სამუშაო დონეზე ცოდნა;
- დროის მართვის უნარი;
- დეტალებზე ორიენტირებულობა;
- გუნდის პასუხისმგებლობის გაზიარების და მხარდაჭერის უნარი;
- პრობლემების იდენტიფიცირების და ანალიზის უნარი;
- მოქნილობა ცვლილებების მიმართ.
თუ თვლით, რომ აკმაყოფილებთ ვაკანსიის მოთხოვნებს და გაქვთ სურვილი, შემოუერთდეთ m²-ის გუნდს, გთხოვთ, 25 სექტემბრამდე გამოაგზავნოთ CV.
ვაცხადებ თანხმობას, ჩემი პერსონალური მონაცემები დაამუშაოს შპს "მ2 ჯგუფმა" (ს/კ: 404499431) არსებულ/სამომავლო ვაკანსიის მოთხოვნებთან კანდიდატის შესაბამისობის დადგენისა და დასაქმების თაობაზე გადაწყვეტილების მიღების მიზნით.
დამუშავებული პერსონალური მონაცემები შეინახება არაუმეტეს 5 წლის ვადით.
ჩემთვის ცნობილია "პერსონალურ მონაცემთა დაცვის შესახებ" საქართველოს კანონით გათვალისწინებული ჩემი უფლებების შესახებ.
რეზიუმეს გამოგზავნით, ვადასტურებ, რომ ვეთანხმები ზემოთ აღნიშნულ პირობებს.
