უფროსი გრაფიკული დიზაინერი — ტემპო

კომპანია Tempo-ს მარკეტინგის დინამიკური გუნდი ეძებს უფროს გრაფიკულ დიზაინერს.

TEMPO ეძებს კრეატიულ, დეტალებზე ორიენტირებულ უფროს გრაფიკულ დიზაინერს, რომელიც ჩვენი უძრავი ქონების პროექტების ვიზუალურ იდენტობასა და ისტორიას სიცოცხლეს შთაბერავს. თუ გიყვართ დიზაინის, ინოვაციების და ამბის თხრობის საშუალებით თანამედროვე ურბანული ცხოვრების გაუმჯობესება, მოხარულები ვიქნებით თქვენთან თანამშრომლობით.

TEMPO-ში ჩვენი მისიაა ქალაქური ცხოვრების უფრო მრავალფეროვან და ხარისხიან გამოცდილებად გარდაქმნა, თანამედროვე ურბანული სივრცეების შექმნის გზით. შემოუერთდით ჩვენს ინოვაციურ გუნდს და დაგვეხმარეთ თითოეული პროექტი ვაქციოთ პროგრესისა და განვითარების სიმბოლოდ.

ძირითადი მოვალეობები:

• მაღალი ხარისხის ვიზუალური მარკეტინგული მასალების შექმნა — უძრავი ქონების ბროშურებიდან დაწყებული, ციფრული რეკლამებითა და სოციალური მედიის კამპანიებით დასრულებული;
• ახალი დეველოპერული პროექტებისთვის ბრენდინგის ელემენტების შექმნა, მათ შორის: ლოგოები, სანიშნეები (signage), პრეზენტაციები და სხვა ვიზუალური მასალები;
• დიზაინის შექმნა სხვადასხვა პლატფორმისთვის — ბეჭდური, ციფრული, სოციალური მედიისა და გარე რეკლამის (OOH) მიმართულებით;
• ახალი და ინოვაციური იდეების შეთავაზება მარკეტინგული კამპანიების ეფექტიანობის, მომხმარებელთა ჩართულობისა და ბრენდის ცნობადობის გასაზრდელად.

საკვალიფიკაციო მოთხოვნები

• უმაღლესი განათლება გრაფიკული დიზაინის, ვიზუალური ხელოვნების, მარკეტინგის ან მასთან დაკავშირებული მიმართულებით (ან შესაბამისი პრაქტიკული გამოცდილება);
• გრაფიკული დიზაინის მიმართულებით მინიმუმ 5-წლიანი სამუშაო გამოცდილება, სასურველია უძრავი ქონების, არქიტექტურის, პრემიუმ კლასის ბრენდების ან ურბანული განვითარების სექტორში.

ტექნიკური უნარები

• Adobe Creative Suite-ის პროგრამების (Photoshop, Illustrator, InDesign) მაღალ დონეზე ცოდნა; After Effects-ისა და Premiere Pro-ს ცოდნა ჩაითვლება უპირატესობად;
• ციფრული და ბეჭდური დიზაინის გამოცდილება, მათ შორის: ბროშურები, სოციალური მედიის ვიზუალები, საინფორმაციო ნიშნები და საინვესტიციო პრეზენტაციები;
• უძრავი ქონების დეველოპერული პროექტებისთვის ბრენდინგისა და მარკეტინგული მასალების შექმნის გამოცდილება;
• ტიპოგრაფიის, კომპოზიციისა და ვიზუალური თხრობის პრინციპების ცოდნა;
• UI/UX დიზაინის საბაზისო ცოდნა ვებგვერდებისა და სოციალური მედიის ვიზუალური მასალების შესაქმნელად; Figma-ს ცოდნა ჩაითვლება უპირატესობად.

პიროვნული უნარები

• მაღალი ყურადღება დეტალების მიმართ, რაც განსაკუთრებით მნიშვნელოვანია პრემიუმ კლასის ბრენდინგისა და მარკეტინგული მასალების შექმნისას;
• სწრაფ და დინამიკურ სამუშაო გარემოში ეფექტურად მუშაობის უნარი;
• კრეატიული აზროვნება და ინტერესი უძრავი ქონების, არქიტექტურისა და ურბანული დიზაინის მიმართ;
• ძლიერი გუნდური მუშაობისა და თანამშრომლობის უნარი — სოციალური მედიის მენეჯერებთან, არქიტექტორებთან და მარკეტინგის გუნდთან ეფექტური კომუნიკაციისთვის;
• პროაქტიულობა, ადაპტაციის უნარი და ახალი იდეების შეთავაზების მზაობა.

შერჩეულ კანდიდატებს დავუკავშირდებით გასაუბრების დანიშვნის მიზნით.