უძრავი ქონების კონსულტანტი
ჩვენ შესახებ
ჩვენ ვართ უძრავი ქონების სააგენტო "Buy in Georgia", რომელიც ოპერირებს საქართველოში. ჩვენ ვთანამშრომლობთ მხოლოდ შერჩეულ და პარტნიორ კომპანიებთან. ვყიდით ბინებს, მიწის ნაკვეთებსა და სხვა უძრავ ქონებას და ვემსახურებით როგორც ადგილობრივ ქართველ მყიდველებს, ასევე საერთაშორისო კლიენტურას.
როლი
თქვენ იქნებით სააგენტოს წარმომადგენელი კლიენტებთან. ყველა ლიდი (პოტენციური კლიენტი) — იქნება ეს Instagram-ის, WhatsApp-ის, სატელეფონო ზარის თუ საკონტაქტო ფორმის საშუალებით — მოხვდება თქვენთან. თქვენ არ გიწევთ უძრავი ქონების ძებნა ან ლიდების გენერირება; ჩვენი გუნდი თავად ამუშავებს ბაზებს, კონტენტსა და მარკეტინგს. თქვენი მთავარი ამოცანაა კლიენტის ინტერესი ნდობად აქციოთ, ხოლო ნდობა - დასრულებულ გარიგებებად.
მოვალეობები:
- შემომავალი შეკითხვების მართვა: კომუნიკაცია ტელეფონით, WhatsApp-ით, Instagram-ით, Facebook-ით, ვებსაიტითა და ელექტრონული ფოსტით - სწრაფად და პროფესიონალურად.
- კლიენტთა ბაზის მართვა: პოტენციური კლიენტების კვალიფიკაცია ჩვენს CRM სისტემაში და მათზე თვალყურის დევნება პირველი კონტაქტიდან ნოტარიულად დამოწმებამდე.
- ქონების ჩვენება: დათვალიერებების ორგანიზება და მართვა როგორც პირადად, ისე ვიდეოზარის საშუალებით დისტანციური (უცხოელი) მყიდველებისთვის.
- გარიგებების კოორდინაცია: დეველოპერებთან, ნოტარიუსებთან და იურიდიულ პარტნიორებთან თანამშრომლობა გარიგების წარმატებით დასასრულებლად და ხელმოწერამდე მისაყვანად.
- პოზიციიდან გამომდინარე, სხვა მიმდინარე დავალებების შესრულება უშუალო ხელმძღვანელის მითითებით.
საკვალიფიკაციო მოთხოვნები:
- განათლება და გამოცდილება: უმაღლესი განათლება; 1+ წლიანი გამოცდილება გაყიდვების, სტუმართმოყვარეობის, მომხმარებელთა მომსახურების, საბანკო სექტორის ან მსგავს, კლიენტებთან აქტიური ურთიერთობის სფეროში (უძრავი ქონების სფეროში გამოცდილება ჩაითვლება უპირატესობად, თუმცა არაა სავალდებულო).
- ენების ცოდნა: შესანიშნავი საკომუნიკაციო უნარები ქართულ და ინგლისურ ენებზე აუცილებელია. დამატებითი ენების ცოდნა ჩაითვლება მნიშვნელოვან უპირატესობად.
- საკუთარი ავტომობილი და მართვის მოწმობა კლიენტებთან შეხვედრებისთვის. საწვავი და დაკავშირებული ხარჯები კი ანაზღაურდება.
რას გთავაზობთ:
- კონკურენტული ანაზღაურება: ფიქსირებული ყოველთვიური ხელფასი 1500 ლარი + ბონუსი (საკომისიო) ყოველ დასრულებულ გარიგებაზე. კონკრეტული ფინანსური სტრუქტურა ზიარდება გასაუბრებაზე და შექმნილია ისე, რომ საუკეთესო შემსრულებლებს მაღალი შემოსავლის მიღების შესაძლებლობა ჰქონდეთ.
- კარიერული ზრდა: კომპანიის გაფართოების პარალელურად დაწინაურების რეალური შესაძლებლობა.
- სამუშაო ინსტრუმენტები: კომპანიის ტელეფონი, ბრენდირებული მასალები და ძლიერი მარკეტინგული მხარდაჭერა, რომელიც მუდმივად უზრუნველყოფს პოტენციური კლიენტების ნაკადს.
განაცხადების მიღების ბოლო ვადა: 25.06.2026
