სტაჟირება - მედიცინის ფაკულტეტი
სსიპ - ივანე ჯავახიშვილის სახელობის თბილისის სახელმწიფო უნივერსიტეტი აცხადებს კონკურსს მედიცინის ფაკულტეტის სასწავლო პროცესის მართვის სამსახურში სტაჟიორთა შესარჩევად.
გამოცხადდეს კონკურსი სტაჟიორთა შერჩევის მიზნით სსიპ-ივანე ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტის სასწავლო პროცესის მართვის სამსახურში ანაზღაურების გაეშე სტაჟირებაზე - 2 (ორი) ვაკანსია.
კონკურსში მონაწილეობის მიღების უფლება აქვს უმაღლესი განათლების მქონე პირს, ბაკალავრიატის და მაგისტრატურის სტუდენტს.
კონკურსში მონაწილე პირმა სასურველია იცოდეს:
- სახელმწიფო ენა (წერა, კითხვა, მეტყველება);
- ინგლისურ ენა (წერა, კითხვა, მეტყველება).
აპლიკანტი უნდა ფლობდეს:
- საოფისე კომპიუტერულ პროგრამებს - Microsoft Word (მაღალ დონეზე, მათ შორის: სქოლიოების გაფორმება და სხვა ტექნიკური დეტალების ზედმიწევნით ცოდნა).
- Microsoft Excel
- ინტერნეტს.
სტაჟიორის შერჩევისას ყურადღება მიექცევა შემდეგ პიროვნულ მახასიათებლებს (უნარებს):
- პუნქტუალობა/დისციპლინა/ორგანიზებულობა;
- პასუხისმგებლიანობა;
- დეტალებზე ორიენტირებულობა;
- სტრესულ გარემოში მუშაობის უნარი;
- დავალების დადგენილ ვადაში შესრულება;
- გუნდური მუშაობის კულტურა;
- ტექნიკური უნარ-ჩვევები;
- კრიტიკული აზროვნება/ანალიზის უნარი;
- კომუნიკაბელურობა (მათ შორის, უცხო ენაზე კომუნიკაციის უნარი);
- ცვლილებებისადმი სწრაფი ადაპტაცია.
სტაჟიორის ფუნქცია-ვალდებულებებია:
სტაჟიორის ძირითადი ფუნქციები განსაზღვრული იქნება სტაჟირების ხელმძღვანელის ზეპირი/წერილობითი მითითების შესაბამისად, რომელთა შორისაა:
- კომპეტენციის ფარგლებში, უნივერსიტეტისა და ფაკულტეტის სტრუქტურულ ერთეულებთან თანამშრომლობა;
- აკადემიურ პერსონალის დახმარება, სტუდენტებისთვის ტექნიკური დახმარება (ტუტორიალი) და კონსულტირება.
- ოფიციალურ კომუნიკაციაში ჩართვა უფროსის მითითებით (ელ-ფოსტები, კორესპონდენცია, შეხვედრები და ა. შ.)
- სტუდენტთა პირადი საქმეების მოწესრიგება.
- სასწავლო პროცესში არსებული პრობლემების შესახებ სტუდენტებისგან მიღებული ინფორმაციის მიწოდება ფაკულტეტის ადმინისტრაციისთვის მათი მოგვარების მიზნით (საჭიროების შემთხვევაში უკუკავშირი სტუდენტებთან);
- სტუდენტებისთვის სასწავლო პროცესში შექმნილი პრობლემების მოგვარებაზე ზრუნვა ფაკულტეტის და ცენტრალური ადმინისტრაციის შესაბამის სამსახურებთან თანამშრომლობით (მაგალითად, ცხრილში არსებული პრობლემები, სასწავლო კურსზე რეგისტრაციასთან დაკავშირებული პრობლემები და სხვ.);
- საჭიროებებიდან გამომდინარე სასწავლო პროცესის მართვის სამსახურის სხვადასხვა მიმდინარე დავალებების შესრულება.
საბუთების წარმოსადგენი ვადა:
2026 წლის 10 სექტემბრიდან 14 სექტემბრის ჩათვლით 17 საათამდე.
სამუშაო გრაფიკი:
კვირაში არანაკლებ 30 საათისა შაბათ-კვირის გარდა.
სტაჟირების პერიოდი:
3 (სამი) თვე.
