სტანდარტიზებული პაციენტი/სიმულაციური პაციენტი
აღმოსავლეთ-დასავლეთ უნივერსიტეტი (მედიცინის სკოლა - სიმულაციური ცენტრი და საგამოცდო ცენტრი) აცხადებს ვაკანსიას სტანდარტიზებული პაციენტი/სიმულაციური პაციენტის პოზიციაზე.
სამუშაოს ადგილმდებარეობა: თბილისი
სამუშაო განაკვეთი: სესიის მიხედვით / ხელშეკრულების საფუძველზე;
ანაზღაურება: ანაზღაურება ხორციელდება თითოეული სასწავლო/საგამოცდო სესიის რაოდენობის შესაბამისად
პოზიციის მიმოხილვა
აღმოსავლეთ-დასავლეთის უნივერსიტეტის სამედიცინო ფაკულტეტი ეძებს სტანდარტიზებულ პაციენტებს (SP) / სიმულაციურ პაციენტებს, რომლებიც მონაწილეობას მიიღებენ სასწავლო სესიებისა და ობიექტურად სტრუქტურირებული კლინიკური გამოცდის (OSCE) ჩატარებაში. სესიების ჩატარებამდე დასაქმებულები გაივლიან მომზადებას, რათა თანმიმდევრულად და დამაჯერებლად განასახიერონ პაციენტები, კონკრეტული სამედიცინო მდგომარეობის, პიროვნული თვისებებისა და ემოციური მდგომარეობის მიხედვით, დაწერილი კლინიკური შემთხვევის სცენარის შესაბამისად.
სტანდარტიზებული პაციენტები სამედიცინო სტუდენტებსა და რეზიდენტებს აძლევს საშუალებას უსაფრთხო, კონტროლირებულ და რეალურთან მაქსიმალურად მიახლოებულ გარემოში ივარჯიშონ და შეფასდნენ ანამნეზის შეგროვების, ფიზიკური გასინჯვის, კომუნიკაციისა და პროფესიული ეთიკის უნარებში. სამედიცინო განათლება სავალდებულო არ არის, სრული მომზადება სცენარების მიხედვით უზრუნველყოფილი იქნება, თუმცა აუცილებელია სცენარის აღწერილობის დეტალური დამახსოვრება და პაციენტის განსახიერების უნარი. სიმულირებული პაციენტის მსურველთა ასაკი შეუზღუდავია.
ძირითადი მოვალეობები
- სცენარის სწავლა და დამახსოვრება, მათ შორის სამედიცინო ანამნეზი, პიროვნული თვისებები, ემოციური მდგომარეობა და მოსალოდნელ კითხვებზე კონკრეტული პასუხები.
- პაციენტის როლის თანმიმდევრულად და დამაჯერებლად განსახიერება, სხვადასხვა სტუდენტთან რამდენიმე თანმიმდევრული შეხვედრის განმავლობაში, ისე რომ ყოველ ჯერზე მიაწოდოთ სტუდენტს/რეზიდენტს უცვლელი ანამნეზი, ჩივილები და გამოავლინოთ უცვლელი ემოციური ფონი და ფიზიკური ნიშნები.
- დაესწროთ ყველა სავალდებულო შემთხვევის მომზადებისა და კალიბრაციის სესიას გამოცდის ან სასწავლო აქტივობის წინ, რათა უზრუნველყოფილი იყოს ზუსტი და სტანდარტიზებული განსახიერება.
- მომზადებისა და მოთხოვნის შემთხვევაში, უსაფრთხოდ და თანმიმდევრულად მოახდინოთ კონკრეტული ფიზიკური ნიშნების სიმულაცია (მაგალითად, მოძრაობის შეზღუდვის, მტკივნეულობის, სიარულის დარღვევის).
- საჭიროების შემთხვევაში, სტუდენტს მიაწოდოთ კონსტრუქციული და კონკრეტული სიტყვიერი უკუკავშირი მისი კომუნიკაციის უნარებისა და პაციენტთან ურთიერთობის სტილის შესახებ.
- დარჩით როლში თითოეული შეხვედრის მთელი ხანგრძლივობის განმავლობაში და მიყვეთ გამოცდის პერსონალის მითითებებს დროისა და სადგურის როტაციის შესახებ.
- დაუყოვნებლივ შეატყობინოთ სიმულაციის/OSCE-ის კოორდინატორს კანდიდატის ნებისმიერი ქცევის შესახებ, რომელიც უსაფრთხოების, პროფესიული ეთიკის ან პირადი საზღვრების დარღვევის რისკს შეიცავს.
- დაიცვათ მკაცრი კონფიდენციალურობა შემთხვევის შინაარსთან, სტუდენტების შედეგებთან და სესიების დროს გაზიარებულ ნებისმიერ პირად ინფორმაციასთან დაკავშირებით.
- დაუყოვნებლივ აცნობეთ პერსონალს ნებისმიერი პირადი დისკომფორტის, დაღლილობის ან შესვენების საჭიროების შესახებ სესიის მიმდინარეობისას, განსაკუთრებით ფიზიკური გასინჯვის ეტაპებზე.
საკვალიფიკაციო მოთხოვნები
- ფორმალური სამედიცინო განათლება არ არის სავალდებულო; სამსახიობო, თეატრალურ, როლური თამაშის ან იმპროვიზაციის სფეროში წინა გამოცდილება უპირატესობად ჩაითვლება, თუმცა სავალდებულო არ არის.
- მზადყოფნა კონკრეტული შემთხვევებისთვის საჭირო სტრუქტურირებულ ფიზიკურ კონტაქტთან (მაგალითად, მუცლის პალპაცია, სახსრების გასინჯვა); ფარგლები და შეზღუდვები მკაფიოდ განისაზღვრება თითოეული შემთხვევისთვის ცალკე და შესაძლებელია წინასწარ განხილვა.
- დეტალების კარგად დამახსოვრების უნარი და ერთი სესიის განმავლობაში მრავალჯერადი შეხვედრისას სცენარული როლის თანმიმდევრულად აღწარმოების უნარი.
- საიმედოობა, პუნქტუალურობა და ხელმისაწვდომობა მთელი დაგეგმილი სესიის განმავლობაში, რომელიც შესაძლოა მოიცავდეს რამდენიმე ზედიზედ შეხვედრას.
- მზადყოფნა, სესიებს შორის მიიღოთ ფაკულტეტის წარმომადგენლების/კოორდინატორების მითითებები და შესწორებები, განსახიერების სტანდარტიზებულების შესანარჩუნებლად.
- გამოცდის ენ (ებ)ის კარგად ფლობა (ქართული და/ან ინგლისური, შემთხვევის შესაბამისად).
- მზადყოფნა, ხელი მოაწეროთ კონფიდენციალურობის შესახებ შეთანხმებას და, თუ შემთხვევა მოიცავს სიმულირებულ ფიზიკურ გასინჯვას, ინფორმირებული თანხმობის ფორმას, რომელშიც აღწერილია ფიზიკური კონტაქტის ხასიათი.
- წახალისებულია სხვადასხვა ასაკის, სქესისა და წარმომავლობის კანდიდატების განაცხადები, ვინაიდან შემთხვევები დაწერილია პაციენტთა მრავალფეროვანი პროფილების ასახვის მიზნით.
ძირითადი კომპეტენციები
- თანმიმდევრულობა — ერთი და იმავე განსახიერების ზუსტად აღწარმოება მრავალი გამეორებისას.
- ყურადღებიანობა — ზუსტად შენიშნოთ, რას ამბობს და აკეთებს თითოეული სტუდენტი, საკონტროლო ფურცლის სწორად შესავსებად.
- ფაკულტეტისგან სტრუქტურირებული უკუკავშირისა და და ხელმძღვანელობის მიღების მზაობა.
- პროფესიული საზღვრების დაცვა და სიმშვიდე სიმულირებული ფიზიკური გასინჯვის დროს.
- სიფრთხილე კონფიდენციალური შემთხვევისა და შედეგების ინფორმაციასთან მუშაობისას.
სამუშაო პირობები
სტანდარტიზებული პაციენტები მუშაობენ უნივერსიტეტის კლინიკური უნარ-ჩვევების ცენტრში, წინასწარ დაგეგმილი სასწავლო ბლოკებისა და საგამოცდო პერიოდების განმავლობაში, რომლებიც აკადემიური წლის განმავლობაში რამდენჯერმე ტარდება. ერთი სესია შესაძლოა მოიცავდეს რამდენიმე თანმიმდევრულ სტუდენტურ შეხვედრას (ჩვეულებრივ, 10-20 წუთი თითოეული) იმავე შემთხვევის განსახიერებით. დაქირავება ხდება თითოეული სესიის/საგამოცდო ციკლისთვის ცალკე; მუდმივი ან წლიური დასაქმება გარანტირებული არ არის.
