სკოლის დაწყებითი საფეხ. კათედრის ხელმძღვანელი/მასწავლებელი — თბილისის ქართულ-ამერიკული სკოლა

თბილისის ქართულ-ამერიკული სკოლა აცხადებს ვაკანსიას სკოლის დაწყებითი საფეხურის კათედრის ხელმძღვანელის (მასწავლებლის) პოზიციაზე.

მისამართი: თბილისი, ისანი-სამგორის რაიონი, შუამთის ქუჩა №21.

სამუშაო გრაფიკი: სრული, კვირაში ხუთი დღე (ორშაბათი-პარასკევი).

ძირითადი სამუშაო მოვალეობები:

• ზრუნავს სკოლის დაწყებითი საფეხურის საგანმანათლებლო პროგრამაში თანამედროვე საუკეთესო მიღწევების დანერგვაზე;
• კოორდინაციას უწევს სკოლის დაწყებითი საფეხურის საგანმანათლებლო პროგრამის შემუშავების, განხორციელების და შეფასების პროცესს;
• ფასილიტაციას უწევს დაწყებითი საფეხურის მასწავლებლების საერთო შეხვედრებს, ხელს უწყობს გუნდში თანამშრომლობითი კულტურის ჩამოყალიბებას;
• ხელს უწყობს სკოლის დაწყებითი საფეხურის კათედრის ეფექტურ ფუნქციონირებას და მასწავლებლების პროფესიულ განვითარებას;
• ესწრება საგაკვეთილო პროცესს, სკოლის ფსიქოლოგთან ერთად სწავლობს სასწავლო გარემოს, თითოეული მოსწავლის შესაძლებლობებს, ინტერესებს და აძლევს უკუკავშირს შესაბამისი კლასის დამრიგებელს/მასწავლებლებს;
• მონაწილეობს დაწყებითი საფეხურის მოსწავლეების განრიგის, ასევე, სასკოლო ცხრილის შედგენის პროცესში;
• ზედამხედველობას უწევს მოსწავლეთა პირადი საქმეების სათანადოდ წარმოებას, საჭიროების შემთხვევაში, კლასის დამრიგებლებს აძლევს საჭირო მითითებებს;
• ჩართულია დაწყებითი საფეხურის პროგრამის მასწავლებლების აყვანის და სამუშაო გარემოში ადაპტაციის პროცესში;
• ჩართულია სკოლის მოსწავლეების მიღების და სასწავლო პროცესსა და სასკოლო გარემოში ადაპტაციის პროცესში;
• მონაწილეობს მოსწავლის მშობლებთან დაგეგმილ ინდივიდუალურ/საერთო შეხვედრებში.

მასწავლებლობის კანდიდატი უნდა აკმაყოფილებდეს მასწავლებლის პროფესიული სტანდარტით დადგენილ მოთხოვნებს და ერთ-ერთ შემდეგ მოთხოვნას:

• უნდა ჰქონდეს მასწავლებლის მომზადების ინტეგრირებული საბაკალავრო-სამაგისტრო საგანმანათლებლო პროგრამის დასრულების შედეგად მინიჭებული განათლების მაგისტრის აკადემიური ხარისხი (ზოგადი განათლების შესაბამისი საფეხურის საგნის/საგნების სწავლების უფლების მითითებით);
• უნდა ჰქონდეს განათლების მიმართულებით მაგისტრის აკადემიური ხარისხი (ზოგადი განათლების შესაბამისი საფეხურის საგნის/საგნების სწავლების უფლების მითითებით) და საქართველოს კანონმდებლობით დადგენილი წესით დადასტურებული საგნობრივი კომპეტენცია;
• უნდა ჰქონდეს ეროვნული სასწავლო გეგმით გათვალისწინებული საგნის/საგნობრივი ჯგუფის შესაბამისი ბაკალავრის ან მასთან გათანაბრებული აკადემიური ხარისხი, ბაკალავრიატის საგანმანათლებლო პროგრამის ფარგლებში გავლილი უნდა ჰქონდეთ მასწავლებლის მომზადების საგანმანათლებლო პროგრამა და უნდა ჰქონდეთ საქართველოს კანონმდებლობით დადგენილი წესით დადასტურებული საგნობრივი კომპეტენცია;
• უნდა ჰქონდეს მასწავლებლობის უფლება უმაღლესი განათლების დამადასტურებელი დოკუმენტის მიხედვით და საქართველოს კანონმდებლობით დადგენილი წესით დადასტურებული საგნობრივი კომპეტენცია;
• უნდა ჰქონდეს ეროვნული სასწავლო გეგმის შესაბამისი საგნის ან განათლების მიმართულებაში შემავალი დოქტორის ან მასთან გათანაბრებული აკადემიური ხარისხი;
• უნდა იყოს 2015 წლის 1 იანვრამდე სერტიფიცირებული პირი;

• უმაღლესი განათლება;
• ზოგადი განათლების სფეროში (სკოლაში) მუშაობის მინიმუმ 3-წლიანი გამოცდილება;
• სკოლის დაწყებითი საფეხურის საგნობრივი სტანდარტების ცოდნა და შესაბამისი მიმართულებით პრაქტიკული გამოცდილება (სკოლის/სკოლის დაწყებითი პროგრამის შემუშავების/განხორციელების/ხარისხის უზრუნველყოფის მიმართულებით);
• ინგლისური ენის ფლობა ჩაითვლება უპირატესობად.

დოკუმენტაცია:

• პირადობის მოწმობის/პასპორტის ასლი (უცხო ქვეყნის მოქალაქეების შემთხვევაში - ბინადრობის მოწმობის ასლი);
• რეზიუმე;
• უმაღლესი განათლების დამადასტურებელი დოკუმენტის ასლი;
• შესაბამისი მიმართულებით სერტიფიკატები (ასეთის არსებობის შემთხვევაში).