სამედიცინოს პროდუქტის შემუშავებ. და განვითარების სპეციალისტი — აპტოსი

"Aptos" ესთეტიკური მედიცინის და სილამაზის ინდუსტრიის წამყვანი ქართული კომპანიაა. "Aptos"-ის ისტორია 1996 წელს იწყება: პლასტიკურმა ქირურგმა მარლენ სულამანიძემ გამოიგონა მსოფლიოში პირველი კბილანებიანი ძაფი, რამაც ჩაუყარა საფუძველი ესთეტიკური მედიცინის ახალ მიმართულებას, ძაფებით ლიფტინგს. სწორედ ქართულ კომპანიას ეკუთვნის პირველი საერთაშორისო პატენტი და სერიული წარმოების ლიცენზია კოსმეტიკურ ძაფზე ესთეტიკური მედიცინის მიმართულებით.

გარდა ამისა, "Aptos" გახდა პირველი ქართული კომპანია, რომელმაც CE [Conformité Européene] ნიშანი აქვს სამედიცინო პროდუქტზე, რაც ევროპის ნებისმიერ ქვეყანაში ექსპორტის საშუალებას აძლევს. ამჟამად პროდუქცია მსოფლიოს ექვსივე დასახლებულ კონტინენტზე, 90 ქვეყანაშია წარმოდგენილი. 2021 წლიდან კი Aptos-ის პროდუქცია მსოფლიო ბაზარზე Made in Georgia სამარკო ნიშნით გადის.

კომპანია "აპტოსი" ეძებს სამედიცინოს პროდუქტის შემუშავებისა და განვითარების სპეციალისტს.

ძირითადი პასუხისმგებლობები:

• სამეცნიერო-ექსპერიმენტული კვლევის ჩატარება
  • ხელმძღვანელთან ერთად კვლევის პროტოკოლის შემუშავება;
  • სხვადასხვა პოლიმერული ძაფის შედარებითი ანალიზი, პოლიმერული ძაფების მექანიკური თვისებების მონიტორინგი ინ-ვიტრო დეგრადაციის პირობებში და სხვა;
  • თემატიკის შესაფერისი სამეცნიერო ლიტერატურის გაცნობა;
  • კვლევის შედეგების ანალიზი და ანგარიშის მომზადება.
• ახალი პროდუქტების შემუშავებაში ან/და არსებულის გაუმჯობესებაში მონაწილეობის მიღება
  • სამედიცინო მოწყობილობების (medical device) შემუშავების მარეგულირებელი სტანდარტის მოთხოვნების შესაბამისი (ISO 13485`s Design Controls In Medical Device Development) დოკუმენტების შემუშავება;
  • დოკუმენტის შესამუშავებლად საჭირო ინფორმაციის მოძიება (წყარო: სამეცნიერო ლიტერატურა, სტანდარტები და სხვა);
  • პროდუქტის შეფუთვის დიზაინის შემუშავება მარკეტინგის გუნდთან ერთად.
• კომუნიკაცია მომწოდებლებთან
  • ბაზარზე არსებული ახალი და ინოვაციური ნივთიერებების მონიტორინგი და სიახლეების ძიება (რომლებიც ხელს შეუწყობს პროდუქტის გაუმჯობესებას ან ახალი პროდუქტების შექმნას) და კომუნიკაცია მომწოდებლებთან.

ძირითადი მოთხოვნები:

• უმაღლესი განათლება ქიმიის, ბიოლოგიის, ფარმაციის დარგში, ბიოსამედიცინო მიმართულებაში, სიცოცხლის შემსწავლელ მეცნიერებებში;
• ინგლისური ენის ფლობა (Advanced);
• კომპიუტერული პროგრამები: MS Office, მაღალ დონეზე ცოდნა;

აუცილებელი უნარ-ჩვევები:

• პასუხისმგებლობის გრძნობა;
• ლოგიკური და ანალიტიკური აზროვნების უნარი;
• ზეპირი და წერითი კომუნიკაციის უნარ-ჩვევები;
• სამეცნიერო კვლევითი გამოცდილება ჩაითვლება უპირატესობად.

სამუშაო ტიპი/სამუშაო საათები

სამუშაო ადგილი: თბილისი, გ. ამილახვარის 15;

გრაფიკი: ორშაბათი-პარასკევი, 09:30-18:00;

ჩვენ გთავაზობთ: კორპორატიული ბენეფიტების პაკეტს - კვება, ჯანმრთელობის დაზღვევა, საკომუნიკაციო პაკეტი.