საგადასახადო მიმართულების მენეჯერი
Nexia Georgia საერთაშორისო აუდიტორული და საკონსულტაციო ქსელის - Nexia International-ის წარმომადგენელია საქართველოში, 2014 წლიდან. Nexia-ს ქსელი, რომელიც ფოკუსირებულია სხვადასხვა ქვეყანაში მხარი დაუჭიროს ადგილობრივი ბიზნესის ზრდასა და განვითარებას, მსოფლიოს 125-ზე მეტ ქვეყანაში, 800-მდე ოფისით არის წარმოდგენილი და გამოირჩევა თანამედროვე ბიზნესის საჭიროებებზე მორგებული მაღალი ხარისხის სერვისებით.
"Nexia Georgia" აერთიანებს 700-მდე კლიენტს და 300-მდე პროფესიონალს, რომლებიც ყოველდღე ქმნიან და ავითარებენ ახალ ხედვებს, შესაძლებლობებს, ახალ ინსტრუმენტებს კლიენტი კომპანიების გამოწვევების გადასაჭრელად. Nexia Georgia-ს დინამიკური გუნდი ამას ახორციელებს წარმატების მიღწევის მუდმივი სურვილით, გამოცდილებითა და ცოდნით.
"Nexia Georgia" აცხადებს ვაკანსიას ბუღალტრული აღრიცხვისა და ანგარიშგების დეპარტამენტში საგადასახადო მიმართულების მენეჯერის პოზიციაზე.
საკვალიფიკაციო მოთხოვნები:
- უმაღლესი განათლება შესაბამისი მიმართულებით;
- საგადასახადო სფეროში მუშაობის მინიმუმ 3 წლიანი გამოცდილება;
- საგადასახადო კანონმდებლობის მაღალ დონეზე ცოდნა;
- ინგლისური ენის ცოდნა;
- საბუღალტრო პროგრამების ცოდნა;
- გუნდური მუშაობის უნარი.
ძირითადი ფუნქციები და მოვალეობები:
- ბუღალტრული აღრიცხვისა და ანგარიშგების დეპარტამენტის თანამშრომლების მხარდაჭერა საგადასახადო საკითხებზე;
- მთავარი ბუღალტრების მიერ შესრულებული საგადასახადო დეკლარაციების გადამოწმება, სისწორის უზრუნველყოფა და რეკომენდაციების გაცემა;
- კონტრჰაგენტ კომპანიებში პერიოდული ვიზიტები, არსებული სიტუაციის ანალიზი და საგადასახადო რისკების იდენტიფიცირება;
- კონტრჰაგენტ კომპანიების წარმომადგენლებთან კომუნიკაცია და საჭიროების შემთხვევაში მოლაპარაკებების წარმოება კონკრეტულ საკითხებთან მიმართებაში;
- პორტფელში არსებულ კომპანიებში პრობლემატური საკითხების გამოვლენის შემთხვევაში ეფექტური მექანიზმების განსაზღვრა, ჩართულობა და პრობლემის დროული აღმოფხვრა;
- მთავარი ბუღალტრების/ბუღალტრების შერჩევის პროცესში ჩართულობა.
