საფინანსო და შესყიდვების სამსახურის მთავარი სპეციალისტი — კადეტთა სამხედრო ლიცეუმი

სტრუქტურული ქვედანაყოფი: სსიპ "კადეტთა სამხედრო ლიცეუმის გენერალ გიორგი მაზნიაშვილის სახელობის კადეტთა სამხედრო სკოლის" ლოჯისტიკური უზრუნველყოფის განყოფილება

თანამდებობა: საფინანსო და შესყიდვების სამსახურის მთავარი სპეციალისტი

დაქვემდებარება:

• უშუალო ხელმძღვანელი
• საფინანსო და შესყიდვების სამსახურის უფროსი
• პირდაპირი ხელმძღვანელი
• ლიცეუმის დირექტორი

ფუნქცია-მოვალეობები

ძირითადი ფუნქციონალური მოვალეობები:

• პასუხისმგებელია ლიცეუმში საბუღალტრო აღრიცხვის სისტემის ორგანიზებასა და გამართულ ფუნქციონირებაზე;
• უზრუნველყოფს ფინანსური ანგარიშგების მომზადებასა და დადგენილ ვადებში წარდგენას;
• აკონტროლებს საბუღალტრო დოკუმენტაციის სწორ და დროულ გაფორმებას, ფინანსური ოპერაციების კანონიერებას და მონაცემთა კონსოლიდაციას;
• ზედამხედველობს დებიტორულ და კრედიტორულ ანგარიშსწორებებს, საგადასახადო ვალდებულებების შესრულებას, მემორიალური ორდერების შედგენას და ფინანსურ შედეგებში შემოსავლებისა და ჯარიმების სწორ ასახვას;
• კურირებს საბუღალტრო აღრიცხვის ჯგუფს, ახორციელებს ლიცეუმის საწყობებზე რიცხული მატერიალურ-ტექნიკური ქონების სააღრიცხვო მონაცემებთან დოკუმენტალური შედარების განხორციელებას, ახორციელებს დოკუმენტაციის ვიზირებას და ანგარიშვალდებულია სამსახურის უფროსის წინაშე;
• წელიწადში ორჯერ ახორციელებს ჯარების ლოჯისტიკური უზრუნველყოფის სარდლობიდან მიღებული მატერიალური ქონების შედარებას ჯარების ლოჯისტიკური უზრუნველყოფის სარდლობის სააღრიცხვო ჯგუფთან;
• უზრუნველყოფს საბიუჯეტო დაგეგმვისა და შესრულების ანალიზს. სტრუქტურული ერთეულებისგან ბიუჯეტური წინადადებების შეგროვებასა და დამუშავებას;
• მონაწილეობს ბიუჯეტის პროექტის მომზადებაში, დამტკიცებული ბიუჯეტის შესრულების ყოველდღიურ, ყოველთვიურ და კვარტალურ შეფასებაში;
• ახორციელებს შრომის ანაზღაურების, სამივლინებო ხარჯებისა და სხვა გასაცემლების გაანგარიშებასა და შესაბამის ბუღალტრულ გატარებებს, ამზადებს დოკუმენტაციას ხაზინის ელექტრონულ სისტემაში უნაღდო ანგარიშსწორებისთვის და უზრუნველყოფს ავანსების კონტროლს;
• ამზადებს პერიოდულ ფინანსურ, სტატისტიკურ და საგადასახადო ანგარიშებს და დამუშავებულ მონაცემებს დროულად გადასცემს ფინანსურ ანგარიშგებაში ასახვის მიზნით;
• კოორდინაციას უწევს მატერიალური ფასეულობების აღრიცხვას, უზრუნველყოფს პირველადი დოკუმენტაციის ფორმალურ და შინაარსობრივ შემოწმებას, საბუღალტრო პროგრამებში შესაბამისი გატარებების კონტროლს და საწყობებში ფაქტობრივი ნაშთების საბუღალტრო მონაცემებთან პერიოდულ შედარებას;
• უზრუნველყოფს ინვენტარიზაციის შედეგების ანალიზსა და მათ დროულ ასახვას აღრიცხვა-ანგარიშგებაში, აგრეთვე დოკუმენტაციის დაცვასა და სისტემატიზაციას;
• ანგარიშვალდებულია სამსახურის უფროსისა და მოადგილის წინაშე.

დამატებითი ფუნქციონალური მოვალეობები:

• უზრუნველყოფს კადეტთა სამხედრო ლიცეუმის საფინანსო და შესყიდვების სამსახურის უფროსის ცალკეული/სხვა დავალებების დროულად და ხარისხიანად შესრულებას.

თანამდებობის საკვალიფიკაციო მოთხოვნები

განათლება:

• ხარისხი (სავალდებულო) — ბაკალავრის ხარისხი;
• ხარისხი (სასურველი) — მაგისტრის ხარისხი.

გამოცდილება:

• შესაბამის სფეროში მუშაობის გამოცდილება — მინიმუმ 5 წლიანი გამოცდილება.

ცოდნა:

• საქართველოს ბუღალტრული სტანდარტების (GAS) ცოდნა;
• საერთაშორისო ფინანსური ანგარიშგების სტანდარტების (IFRS) ფლობა;
• საგადასახადო კანონმდებლობის ცოდნა და გამოყენება;
• აუდიტის პროცედურებისა და შიდა კონტროლის სისტემების ცოდნა;
• შესყიდვების პროცედურების ღრმა ცოდნა;
• საქართველოს საგადასახადო კოდექსის ღრმა ცოდნა;
• შრომითი და კომერციული სამართლის ძირითადი ნორმები;
• ფინანსური ანგარიშგების და აუდიტის სამართლებრივი ჩარჩო.

კომპეტენციები

• ხედვა/სტრატეგიული აზროვნება;
• ფინანსური ანალიზის უნარები;
• რისკების შეფასებისა და მართვის უნარები.

დაგეგმვა და ორგანიზება:

• დროის მართვის უნარი;
• პრიორიტეტების სწორად დასახვის უნარი;
• რამდენიმე პრიორიტეტულ საკითხზე პარალელურად მუშაობის უნარი;
• სტრესულ გარემოში მუშაობის უნარი;
• ხარისხზე ორიენტაცია.

პრობლემების გადაჭრა და სიღრმისეული ანალიზი:

• პრობლემის განსაზღვრის, ანალიზისა და დროულად გადაწყვეტის უნარი;
• ალტერნატიულ გეგმებზე მუშაობის უნარი.

კომუნიკაცია:

• კომუნიკაბელურობა;
• გამართულად წერის უნარი (სტრუქტურული, სტილისტური და გრამატიკული წესების ცოდნა).

სხვა უნარები: უცხო ენის ცოდნა — ინგლისური, STANAG 6001 SLP 1+/1+/1+/1+ ან შესაბამისი დონე.

კომპიუტერული პროგრამები

• Microsoft Office სიუტის ღრმა ცოდნა (განსაკუთრებით Excel-ის ექსპერტული დონე);
• ფინანსური მენეჯმენტის პროგრამული უზრუნველყოფის გამოყენება;
• ERP სისტემების (SAP, Oracle, ან მსგავსი) ადმინისტრირება;
• ბაზების მართვა და SQL-ის ბაზისური ცოდნა;
• ელექტრობრუნვის პროგრამა (E-MOD);
• ელექტრონული საბუღალტრო პროგრამა (Orisi).

ანაზღაურება: 3500 ლარი