რესტორნის მენეჯერი- საგურამო — კახური ტრადიციული მეღვინეობა

შპს "კახური ტრადიციული მეღვინეობა" აცხადებს ვაკანსიას რესტორნის მენეჯერის პოზიციაზე.

ადგილმდებარეობა: საგურამო (გურამიშვილის მარანი)

სამუშაო გრაფიკი: სრული

ანაზღაურება: შეთანხმებით გამოცდილების და კვალიფიკაციის შესაბამისად

ძირითადი ფუნქცია-მოვალეობები:

• რესტორნის ყოველდღიური საოპერაციო საქმიანობის დაგეგმვა, ორგანიზება და ეფექტიანი მართვა;
• მომსახურების მაღალი სტანდარტების დანერგვა, კონტროლი და მუდმივი გაუმჯობესება;
• დარბაზის პერსონალის მართვა, სამუშაო გრაფიკების შედგენა, დისციპლინისა და შესრულების მონიტორინგი;
• ახალი თანამშრომლების ადაპტაციისა და გადამზადების პროცესში მონაწილეობა;
• პროდუქციისა და სახარჯი მასალების მარაგების კონტროლი, შეკვეთების დაგეგმვა და მომწოდებლებთან კოორდინაცია;
• ინვენტარიზაციის პროცესის ორგანიზება, მარაგების აღრიცხვა და დანაკარგების კონტროლი;
• სალარო ოპერაციებისა და ყოველდღიური ფინანსური ანგარიშგების კონტროლი;
• საოპერაციო ხარჯების მართვა, ანალიზი და ოპტიმიზაციის შესაძლებლობების იდენტიფიცირება;
• სტუმრების უკუკავშირის მართვა, პრობლემური შემთხვევების დროული და ეფექტური გადაწყვეტა;
• სანიტარიულ-ჰიგიენური ნორმებისა და შიდა რეგულაციების დაცვის კონტროლი;
• რესტორნის საქმიანობის შესახებ პერიოდული ანგარიშგების მომზადება ხელმძღვანელობისთვის;
• შეფ-მზარეულთან, სამზარეულოსა და სხვა დეპარტამენტებთან მჭიდრო კოორდინაცია რესტორნის შეუფერხებელი ფუნქციონირების უზრუნველსაყოფად;
• რესტორნის ეფექტიანობის გაზრდისა და საოპერაციო პროცესების გაუმჯობესების მიზნით ინიციატივების შემუშავება და განხორციელება.

საკვალიფიკაციო მოთხოვნები:

• უმაღლესი განათლება (უპირატესობა მიენიჭება ბიზნესის ადმინისტრირების, მენეჯმენტის ან სტუმარმასპინძლობის მიმართულებით);
• რესტორნის ან სტუმარმასპინძლობის სფეროში მენეჯერულ პოზიციაზე მუშაობის გამოცდილება;
• საოპერაციო და ადმინისტრაციული პროცესების მართვის გამოცდილება;
• გუნდის მართვისა და მოტივაციის უნარი;
• ძლიერი ორგანიზაციული, კომუნიკაციისა და პრობლემების გადაჭრის უნარები;
• პასუხისმგებლობის მაღალი გრძნობა და შედეგზე ორიენტირებული მუშაობის უნარი;
• MS Office-ის პროგრამების ცოდნა.