პროექტების მენეჯერი — Element Fit-Out

„Element Fit-Out“ აცხადებს ვაკანსიას სარემონტო სამუშაოების/Fit-Out პროექტების მენეჯერის პოზიციაზე.

„Element Fit-Out“-ის საქმიანობა ეფუძნება ხარისხს, საერთაშორისო სტანდარტებსა და თანამედროვე ხედვას. 2025 წელს დაარსებულმა კომპანიამ მოკლე დროში შეძლო ბაზარზე სანდო და პროფესიონალი პარტნიორის პოზიციის დამკვიდრება.კომპანია მომხმარებლებს სრულ, კომპლექსურ მომსახურებას სთავაზობს — კონცეფციის შექმნიდან და პროექტის დაგეგმვიდან დაწყებული, ინტერიერის დიზაინისა და მაღალი ხარისხის სარემონტო სამუშაოების სრულად განხორციელების ჩათვლით. „Element Fit-Out“-ის მიერ განხორციელებული პროექტები გამოირჩევა დახვეწილი დიზაინით, მაღალი ხარისხის შესრულებითა და თანამედროვე ტექნოლოგიების ეფექტური ინტეგრაციით.ამ ეტაპზე ვეძებთ გამოცდილ და მაღალკვალიფიციურ პროფესიონალს, რომელიც პროექტების მენეჯერის პოზიციას დაიკავებს.

ძირითადი მოვალეობები:

• Fit-Out და შიდა სარემონტო პროექტების სრული მართვა — დაგეგმვიდან საბოლოო ჩაბარებამდე;
• პროექტის სამუშაოების ორგანიზება და ვადების, ბიუჯეტის, ხარისხისა და რესურსების ეფექტური მართვა;
• სამუშაოების დეტალური გეგმა-გრაფიკის შემუშავება და შესრულების მონიტორინგი;
• საპროექტო და ტექნიკური დოკუმენტაციის შესწავლა, ანალიზი და პროექტის მოთხოვნებთან შესაბამისობის უზრუნველყოფა;
• შიდა სარემონტო, Fit-Out და საინჟინრო სამუშაოების კოორდინაცია და შესრულების კონტროლი;
• შესრულებული სამუშაოების ხარისხის კონტროლი და დადგენილ სტანდარტებთან შესაბამისობის უზრუნველყოფა;
• პროექტის მიმდინარეობისას წარმოშობილი ტექნიკური საკითხებისა და გამოწვევების იდენტიფიცირება და მათი ეფექტური გადაწყვეტის უზრუნველყოფა;
• დამკვეთთან, არქიტექტორთან, ინჟინრებთან, ქვეკონტრაქტორებთან, მომწოდებლებთან და სხვა ჩართულ მხარეებთან ეფექტური კომუნიკაცია და კოორდინაცია;
• პროექტთან დაკავშირებული მოლაპარაკებების წარმოება და სამუშაო პროცესის შეუფერხებლად წარმართვის უზრუნველყოფა;
• პროექტის რისკების დროული იდენტიფიცირება და მათი პრევენციისა და მართვის შესაბამისი ღონისძიებების დაგეგმვა;
• პროექტის გუნდის ხელმძღვანელობა, სამუშაოების გადანაწილება და შესრულების კონტროლი;
• ადამიანური რესურსების დაგეგმვა და საჭიროების შემთხვევაში, პროექტისთვის შესაბამისი კადრების შერჩევის პროცესში მონაწილეობა;
• ადგილობრივ მმართველობის ორგანოებთან საჭირო კომუნიკაციის უზრუნველყოფა;
• პროექტის მოქმედ კანონმდებლობასთან, შრომის უსაფრთხოების ნორმებსა და შესაბამის სტანდარტებთან შესაბამისობის კონტროლი;
• რეგულარულ სამუშაო შეხვედრებში მონაწილეობა და პროექტის მიმდინარეობის შესახებ ანგარიშგება;
• ყოველკვირეული და ყოველთვიური ანგარიშების მომზადება;
• პროექტის ფარგლებში საჭირო პროფესიული რეკომენდაციების გაცემა და ოპტიმალური გადაწყვეტილებების შეთავაზება;
• პროექტის დადგენილ ვადებში, დამტკიცებული ბიუჯეტისა და ხარისხის მოთხოვნების შესაბამისად წარმატებით განხორციელებისა და ჩაბარების უზრუნველყოფა.

საკვალიფიკაციო მოთხოვნები:

• უმაღლესი განათლება სამშენებლო, საინჟინრო ან მსგავსი მიმართულებით;
• მსგავს პოზიციაზე მუშაობის სულ მცირე 5 წლის გამოცდილება;
• პროგრამების ცოდნა (MS Office, MS Projec, Archicad, Autocad, Revit);
• სავალდებულოა ინგლისური ენის ცოდნა;
• სასურველია რუსული ენის ცოდნა;

უნარ-ჩვევები:

• ლოგიკური და ანალიტიკური აზროვნების უნარი;
• კრეატიულობა;
• ორგანიზებულობა;
• პუნქტუალურობა;
• მაღალი პასუხისმგებლობის გრძნობა.

სამუშაო პირობები:

• სამუშაო განაკვეთი: სრული;
• ანაზღაურება: კანდიდატის კვალიფიკაციიდან გამომდინარე , ინდივიდუალურად იქნება განხილული;
• სამუშაო ადგილი: თბილისი.

ჩვენთან დასაქმების შემთხვევაში გთავაზობთ:

• სამედიცინო დაზღვევა (ინდივიდუალური ან საოჯახო);
• FitPass;
• ტრენინგებსა და პროფესიული ზრდის შესაძლებლობას;
• კომფორტულ სამუშაო გარემოს;
• მეგობრულ და განვითარებაზე ორიენტირებულ გუნდს.