მოთხოვნის პროგნოზირებისა და მარაგების დაგეგმვის მენეჯერი — ზოომარტი

საქართველოში წამყვანი ზოომაღაზიების ქსელი "ზოომარტი" დაარსდა 2014 წელს. კომპანია აერთიანებს საცალო ფილიალებსა და ონლაინ გაყიდვების არხებს, მუშაობს საერთაშორისო ბრენდებთან და მართავს ფართო ასორტიმენტს სხვადასხვა კატეგორიაში. ის არის იმპორტიორი ისეთი ცნობილი ბრენდების როგორიც არის Affinity Petcare (Advance, Brekkies), Nature`s Variety, Champion Petfoods (Acana, Orijen), Josera, Ferplast, KONG, Morando SPA, Versele-laga, Animology, Moderna, Applaws, Canvit, Dorian, Animonda, Antos, Wanpy, Flexi, Catzone, Earth Rated, Inodorina, Oxbow.

კომპანია "ზოომარტი" აცხადებს ვაკანსიას მოთხოვნის პროგნოზირებისა და მარაგების დაგეგმვის მენეჯერის (Demand & Inventory Planning Manager) პოზიციაზე.

სამუშაო განრიგი:

• სამუშაო დღეები: ორშაბათი-პარასკევი;
• სამუშაო საათები: 09:30-18:00;

ადგილმდებარეობა: ქ. თბილისი, დიდი დიღომი, ნესტან-დარეჯანის N31;

ანაზღაურება: კონკურენტული ანაზღაურება, რომელიც განისაზღვრება კანდიდატის კვალიფიკაციიდან გამომდინარე;

პოზიციის მიზანი:

პოზიციის მიზანია გაყიდვების ისტორიის, სეზონურობის, მიმდინარე მარაგებისა და მოთხოვნის დინამიკის ანალიზის საფუძველზე მოთხოვნის პროგნოზირება, შეკვეთების კალკულაცია და ოპტიმალური მარაგების დაგეგმვა.

ძირითადი მოვალეობები და ფუნქციები:

• ნაშთების ყოველთვიური რეპორტის წარმოება და ანალიზი.
• ნაშთების პერიოდული გადაფასების პროცესის მართვა დინამიკის გათვალისწინებით.
• გაყიდვების ისტორიული მონაცემების ანალიზი და მოთხოვნის პროგნოზირება.
• მარაგების ოპტიმალური რაოდენობის დაგეგმვა.
• როგორც საერთაშორისო, ისე ადგილობრივი შეკვეთების კალკულაცია / დროული და ზუსტი მომზადება.
• კომპანიაში Out of Stock-ის, ჭარბი, მოკლევადიანი, ნელბრუნვადი მარაგებისა და არალიკვიდური ნაშთების იდენტიფიცირება, რისკების შემცირება და რეკომენდაციების მომზადება მათი რეალიზაციისთვის.

შესრულების ძირითადი მაჩვენებლები (KPI-ები):

• Out of Stock-ის შემცირება;
• ჭარბი მარაგების შემცირება;
• არალიკვიდური ნაშთების შემცირება.
• შეკვეთების სიზუსტის გაუმჯობესება.
• მარაგების ბრუნვადობის გაუმჯობესება.
• ოპტიმალური შესყიდვების დაგეგმვით პროდუქციის თვითღირებულების შემცირებაზე გავლენა, მათ შორის შეკვეთის მოცულობის, პერიოდულობისა და ლოგისტიკური ეფექტიანობის გათვალისწინებით.
• დროული და ზუსტი რეპორტინგი

საკვალიფიკაციო მოთხოვნები: განათლება: უმაღლესი განათლება ფინანსების ან ბიზნესის ადმინისტრირების მიმართულებით

სამუშაო გამოცდილება: მინიმუმ 4-5 წლიანი გამოცდილება შესყიდვების, მარაგების მართვის ან პროდუქტების მენეჯმენტის მიმართულებით, აუცილებელია Retail/რითეილ სექტორში.

ტექნიკური უნარები:

• Advanced Excel-ის მაღალ დონეზე ფლობა (ფორმულები, რეპორტინგი, დიდი მონაცემების დამუშავება).
• ERP სისტემებთან 1C, Apex, Fina მუშაობის გამოცდილება.
• ინგლისური ენის ფლობა.

პიროვნული და პროფესიული კომპეტენციები:

• ანალიტიკური და ლოგიკური აზროვნება.
• ძლიერი მათემატიკური უნარები.
• დეტალებზე ორიენტირებულობა.
• დროის მენეჯმენტი და ერთდროულად რამდენიმე ამოცანაზე მუშაობის უნარი.

გთხოვთ გაითვალისწინოთ, რომ დაკავშირება მოხდება მხოლოდ გასაუბრებისთვის შერჩეულ კანდიდატებთან.

თქვენ მიერ შევსებული ინფორმაცია "პერსონალურ მონაცემთა დაცვის შესახებ" საქართველოს კანონის შესაბამისად, შესაძლოა შეიცავდეს პერსონალურ მონაცემებს, მათ შორის, განსაკუთრებული კატეგორიის მონაცემებსაც. გაცნობებთ, რომ თქვენი პერსონალური მონაცემები ჩვენი კომპანიის მხრიდან დამუშავდება თქვენთან სახელშეკრულებო, მათ შორის, შრომითი ურთიერთობების დამყარების შესახებ გადაწყვეტილების მიღების მიზნებისათვის. ასევე, თქვენს მიერ გამოგზავნილი რეზიუმე შესაძლოა არ იქნას განხილული მოცემულ ვაკანსიაზე, სავაკანსიო მოთხოვნებიდან გამომდინარე, ანდა რეზერვებული იქნას სხვა რელევანტურ ვაკანსიაზე.

კომპანია ემიჯნება ნებისმიერი სახის დისკრიმინაციას, როგორც ვაკანსიის შესახებ განცხადების გამოქვეყნების და შერჩევის ეტაპზე, ისე შრომითი ურთიერთობის ფარგლებში.

მონაცემების შენახვის ვადაა ერთი წელი.

გისურვებთ წარმატებას!