ხარისხის კონტროლის ინსპექტორი- ფოთი — პრაიმ ბეტონი

სამშენებლო კომპანია "პრაიმ ბეტონი" აცხადებს ვაკანსიას ხარისხის კონტროლის ინსპექტორის პოზიციაზე.

"პრაიმ ბეტონი" არის სამშენებლო - საინჟინრო კომპანია, რომელიც აშენებს პორტებს, გზებს, წყლის ინფრასტრუქტურას, სამოქალაქო და ინდუსტრიულ შენობებს. კომპანია ასევე აწარმოებს ბეტონს, სამშენებლო მასალებს და ბეტონის ანაკრებ კონსტრუქციებს.

ჩვენ გთავაზობთ:

• მეგობრულ და პროფესიონალურ სამუშაო გარემოს
• პროფესიული და პიროვნული ზრდის შესაძლებლობას
• კონკურენტულ სამუშაო პირობებს

ვაკანსიის დასახელება: ხარისხის კონტროლის ინსპექტორი

სამუშაო ადგილი: ფოთი (ფოთის პორტის მშენებლობა)

სამუშაო განაკვეთი: სრული

საკვალიფიკაციო მოთხოვნები:

• უმაღლესი განათლება ტექნიკური მიმართულებით;
• სამშენებლო სექტორში და მსგავს პოზიციაზე მუშაობის მინიმუმ 1 წლიანი გამოცდილება;
• სასურველია ბეტონთან მუშაობის გამოცდილება;
• ინგლისური ენის ცოდნა;
• MS Office პროგრამების ცოდნა.

მოვალეობები:

• ხარისხის კონტროლის მენეჯერის მითითებების შესაბამისად სამშენებლო სამუშაოების ინსპექტირების განხორციელება;
• ბეტონის, არმირების, ყალიბების, ხიმინჯების, მიწის სამუშაოებისა და სხვა სამშენებლო პროცესების ყოველდღიური ინსპექტირება;
• საველე და ლაბორატორიული ტესტირების პროცესების მონიტორინგი და შედეგების დაფიქსირება;
• აღმოჩენილი შეუსაბამობების დროული იდენტიფიცირება, ხარისხის კონტროლის მენეჯერის ინფორმირება და მაკორექტირებელი ღონისძიებების შესრულების მონიტორინგი;
• სამუშაოების ხარისხის უზრუნველყოფა პროექტის სპეციფიკაციის/მეთოდოლოგიის შესაბამისად;
• ნახაზების შესაბამისად სამუშაოების შემოწმება;
• სატესტო ლაბორატორიასთან კონტაქტი და კოორდინაცია;
• დღის განმავლობაში შესრულებული სამუშაოების შესახებ დოკუმენტაციის მომზადება საველე პირობებში და მიღებული შედეგების ასახვა ელექტრონულად;
• რეპორტინგის მომზადება/წარდგენა უშუალო ხელმძღვანელთან და პროექტის გუნდთან;
• დოკუმენტაციის შენახვა/დაარქივება;
• პროექტის სპეციფიკაციასთან შეუსაბამობის დადგენა და ნებისმიერი კრიტიკული საკითხის შემთხვევაში უშუალო ხელმძღვანელის ინფორმირება;

აუცილებელი უნარ-ჩვევები და პიროვნული მახასიათებლები:

• ორგანიზებული, ენერგიული, მოტივირებული, დეტალებზე ორიენტირებული;
• პასუხისმგებლობის მაღალი გრძნობა;
• დამოუკიდებლად მუშაობის უნარი;
• სტრესულ ვითარებაში მუშაობის და გადაწყვეტილებების სწრაფად მიღების უნარი;
• სამუშაოს დაგეგმვის და მისი დროულად შესრულების უნარი;
• გამართული კომუნიკაციის უნარი.

რეზიუმეების განხილვის შედეგად, დაკავშირება მოხდება მხოლოდ დადებითად განხილულ კანდიდატებთან ვაკანსიის დასრულებიდან მაქსიმუმ 2 კვირის ვადაში.