კერძების გაცემის კოორდინატორი — რესტორანი მაისის ეზო

რესტორანი „მაისის ეზო“ აცხადებს ვაკანსიას კერძების გაცემის კოორდინატორის პოზიციაზე.

ვეძებთ გამოცდილ, ყურადღებიან, სწრაფ და პასუხისმგებლიან თანამშრომელს, რომელიც უზრუნველყოფს სამზარეულოდან დარბაზში კერძების სწორად, სრულად და რესტორნის სტანდარტების შესაბამისად გაცემას.

ძირითადი მოვალეობები

• მზა კერძების მიღება სამზარეულოს შესაბამისი პოზიციებიდან;
• შეკვეთისა და მომზადებული კერძების შესაბამისობის გადამოწმება;
• კერძების გაცემის დადგენილი თანმიმდევრობისა და ეტაპების დაცვა და კონტროლი;
• ერთი მაგიდის შეკვეთის კერძების კოორდინირებულად შეგროვება და დროულად გაცემის ორგანიზება;
• კერძებისთვის საბოლოო ვიზუალური იერსახის მიცემა დადგენილი სტანდარტის შესაბამისად;
• კერძებზე შესაბამისი დეკორისა და საბოლოო ინგრედიენტების დამატება — მიკრომწვანილი, ბროწეული და სხვა განსაზღვრული ელემენტები;
• თითოეული კერძის ვიზუალური სტანდარტის კონტროლი დარბაზში გაცემამდე;
• კერძების რაოდენობისა და შეკვეთის სრულად დაკომპლექტების კონტროლი;
• შეკვეთაში მითითებული დამატებებისა და განსაკუთრებული მოთხოვნების გადამოწმება;
• კერძების სწორი მაგიდისა და შეკვეთის მიხედვით გადაცემა მომსახურე პერსონალისთვის;
• სამზარეულოს სხვადასხვა პოზიციასთან მუდმივი კომუნიკაცია შეკვეთების დროულად და სწორად გასაშვებად;
• დაგვიანებული ან არასრული შეკვეთების დროული იდენტიფიცირება და შესაბამის მზარეულთან კომუნიკაცია;
• შეცდომით გაცემული, არასრული ან ვიზუალურად სტანდარტთან შეუსაბამო კერძების პრევენცია;
• კერძების გაცემის ზონაში სისუფთავისა და წესრიგის დაცვა.

მნიშვნელოვანი: პოზიცია არ გულისხმობს კერძების სრულად მომზადებას. თანამშრომელი მზარეულისგან იღებს მომზადებულ კერძს, აძლევს მას საბოლოო ვიზუალურ სახეს დადგენილი სტანდარტის მიხედვით, ამოწმებს შეკვეთასთან შესაბამისობას, აკონტროლებს კერძების გაცემის სწორ თანმიმდევრობას და უზრუნველყოფს მათ დროულად და სწორად გადაცემას დარბაზში.

საკვალიფიკაციო მოთხოვნები

• რესტორნის სამზარეულოში მუშაობის გამოცდილება — აუცილებელია;
• კერძების გაცემის კოორდინატორის პოზიციაზე ან მზარეულად მუშაობის გამოცდილება — აუცილებელია;
• კერძების მომზადებისა და გაცემის პროცესის ცოდნა;
• კერძის ვიზუალური სტანდარტისა და პრეზენტაციის შეფასების უნარი;
• ყურადღება დეტალების მიმართ;
• სწრაფ და დატვირთულ გარემოში მუშაობის უნარი;
• რამდენმე მაგიდისა და შეკვეთის ერთდროულად კონტროლის უნარი;
• პასუხისმგებლობის მაღალი გრძნობა;
• ორგანიზებულობა და ოპერატიულობა;
• კარგი კომუნიკაციისა და გუნდური მუშაობის უნარი;
• სისუფთავისა და ჰიგიენის ნორმების დაცვა.

სამუშაო პირობები

სამუშაო ადგილი: რესტორანი „მაისის ეზო“, ქუთაისი

ანაზღაურება: შეთანხმებით