ჰოსპიტალური სადაზღვევო შემთხვევების მართვის მენეჯერი
სადაზღვევო კომპანია "უნისონი" 2011 წლიდან ზრუნავს ადამიანებისა და ბიზნესების ფინანსურ უსაფრთხოებაზე. წლების განმავლობაში ჩვენ ჩამოვყალიბდით ქართული სადაზღვევო ბაზრის ერთ-ერთ წამყვან კომპანიად, რომელსაც მომხმარებლები ენდობიან პროფესიონალიზმის, ინოვაციური მიდგომებისა და საერთაშორისო პარტნიორების მხარდაჭერის გამო.
ჩვენ მუდმივად ვავითარებთ პროდუქტებსა და სერვისებს, ვნერგავთ თანამედროვე ციფრულ გადაწყვეტილებებს და ვქმნით საუკეთესო გამოცდილებას ჩვენი მომხმარებლებისთვის.
თუ გსურთ იმუშაოთ გარემოში, სადაც ფასდება ინიციატივა, პროფესიული განვითარება და შედეგზე ორიენტირებული მუშაობა, შემოუერთდით "უნისონის" გუნდს.
სადაზღვევო კომპანია უნისონი აცხადებს ვაკანსიას ჰოსპიტალური სადაზღვევო შემთხვევების მართვის მენეჯერის პოზიციაზე.
ძირითადი მოვალეობები:
- დაზღვეულის იდენტიფიცირება, საჭიროების შემთხვევაში დოკუმენტების ჩაბარება, შემთხვევების დარეგულირების ჩათვლით, დელეგირების ფარგლებში;
- ყველა საჭირო დოკუმენტაციის სრულყოფილად წარმოდგენა და დაზღვეულისთვის განხილული შემთხვევების შესახებ ინფორმაციის მიწოდება.
- დაზღვეულის მიერ არასრულყოფილად წარმოდგენილი დოკუმენტაციის იდენტიფიცირება და ხარვეზების გამოვლენა, ადგილზე დამატებითი დოკუმენტების მოთხოვნა, ასევე საჭიროების შემთხვევაში განხილვის შემდეგ დამატებითი დოკუმენტაციის მოთხოვნა დაზღვეულისგან ან/და კლინიკისგან;
- დოკუმენტაციის მოწესრიგება, კლასიფიკაცია, სისტემატიზაცია და ქრონოლოგიურად შესაბამის საქაღალდეებში განთავსება;
- ჰოსპიტალური შემთხვევების რეგულირება და მართვა (მათ შორის, საგარანტიო წერილების მომზადება) ხელშეკრულებით დადგენილ ვადაში;
- დაზღვეულის მიერ არაპროვაიდერ კლინიკაში, გეგმური/გადაუდებელი ჰოსპიტალური მომსახურების მიღების შემდგომ წარმოდგენილ დოკუმენტაციაზე ანაზღაურების შესახებ გადაწყვეტილების მომზადება და პროგრამულად ასახვა;
- გეგმურ ჰოსპიტალურ შემთხვევებზე შემოსული წერილების განხილვა და უარის შემთხვევაში დასაბუთებული პასუხის მომზადება, უშუალო ხელმძღვანელის ვიზირებით.
ძირითადი საკვალიფიკაციო მოთხოვნები:
- უმაღლესი განათლება სამედიცინო მიმართულებით;
- იგივე პოზიციაზე მუშაობის მინიმუმ 1-წლიანი გამოცდილება;
- კომპიუტერული საოფისე პროგრამების ცოდნა;
- რუსული და ინგლისური ენების ცოდნა საკომუნიკაციო დონეზე.
პიროვნული უნარ-ჩვევები:
- პასუხისმგებლობა;
- დეტალებზე ორიენტირებულობა;
- კომუნიკაციის უნარი;
- გუნდური და ინდივიდუალური მუშაობის უნარი.
"უნისონი" მადლობას გიხდით ვაკანსიით დაინტერესებისთვის და წარმატებას გისურვებთ!
სს "სადაზღვევო კომპანია უნისონი", ვაკანსიაზე შესაბამისობის დადგენისა და შრომითი ურთიერთობის დამყარების მიზნით, ახორციელებს პრეტენდენტის პერსონალური მონაცემის დამუშავებას "პერსონალურ მონაცემთა დაცვის შესახებ" საქართველოს კანონის მოთხოვნათა დაცვით.
ვაკანსიაზე გამოგზავნილი რეზიუმე და სხვა დოკუმენტები ავტომატურად ხვდება კომპანიის მონაცემთა ბაზაში და ინახება 2 წლის განმავლობაში.
ამასთან, კანდიდატისთვის შესაძლებელია შეთავაზებულ იქნეს სხვა, მისთვის უფრო რელევანტური პოზიცია, ასეთის არსებობის შემთხვევაში.
