გენერალური მენეჯერი- ბათუმი
"Domino`s Pizza" — საერთაშორისო ამერიკული პიცის სარესტორნო ქსელია, რომელიც დაარსდა 1960 წელს და ინარჩუნებს ლიდერ პოზიციას მსოფლიოს მასშტაბით. Domino`s Pizza საქართველო 2015 წლიდან ოპერირებს, აერთიანებს ცხრა მოქმედ ფილიალს და განაგრძობს სტაბილურ გაფართოებას.
ჩვენ ვეძებთ შედეგებზე ორიენტირებულ, პროცესების გაძლიერებასა და მაღალი სტანდარტების კონტროლზე მომართულ საოპერაციო მენეჯერს.
ვაკანტური პოზიცია: გენერალური მენეჯერი
გენერალური მენეჯერი პასუხისმგებელია ფილიალის სრულ და ეფექტურ ოპერაციულ მართვაზე, კომპანიის სტანდარტების, პოლიტიკებისა და ბიზნეს მიზნების შესაბამისად. მისი მთავარი მოვალეობაა უზრუნველყოს ფილიალის გამართული ფუნქციონირება ყველა მიმართულებით - ოპერაციები, გაყიდვები, მომსახურების ხარისხი, ფინანსური შედეგები, ადამიანური რესურსების მართვა და უსაფრთხოების სტანდარტების დაცვა შესაბამის დეპარტამენტებთან მჭიდრო კოორდინაციისა და თანამშრომლობის გზით.
ადგილმდებარეობა: ქალაქი ბათუმი
სამუშაო საათები: სრული გრაფიკი 5/2
ანაზღაურება: - ფიქსირებული - 1700 ლარი (ხელზე ასაღები)
ბონუსი - შედეგებზე დაფუძნებული მრავალკომპონენტიანი სისტემა
ფუნქცია-მოვალეობები:
- Domino`s SOP-ების, გლობალური სტანდარტებისა და უსაფრთხოების ნორმების შესრულების კონტროლი
- ფილიალის ყოველდღიური საქმიანობის მონიტორინგი
- სანიტარიული, ჰიგიენური და სურსათის უსაფრთხოების ნორმების დაცვა
- პროდუქტის ხარისხის სტანდარტების დაცვა
- გაყიდვების ყოველდღიური/კვირეული/თვიური მაჩვენებლების ანალიზი
- ფილიალის KPI-ების გაუმჯობესებაზე მუშაობა.
- პერსონალის მიერ სამუშაო დისციპლინის, მომსახურების ეთიკური ნორმების, საქონლის გაყიდვის წესების, სანიტარულ-ჰიგიენური ნორმების დაცვის კონტროლი;
- თანამშრომლების მოტივაცია, ჩართულობის გაზრდა და დისციპლინის უზრუნველყოფა
- მომხმარებელთა უკუკავშირის ანალიზი და შესაბამისი ქმედითი ღონისძიებების დაგეგმვა
- სერვისის მუდმივი გაუმჯობესებაზე მუშაობა
- მარაგების, ინვენტარიზაციისა და პროდუქტის ნაკადების კონტროლი
- კომპანიის პროგრამასთან მუშაობა;
- თანამდებობასთან დაკავშირებული, კომპეტენციის ფარგლებში, სხვა მოვალეობების შესრულება.
საკვალიფიკაციო მოთხოვნები:
- მენეჯერულ პოზიციაზე მუშაობის მინიმუმ 3 წლიანი გამოცდილება რელევანტურ სფეროში. (სწრაფი კვების სფეროში მუშაობის გამოცდილება ჩაითვლება უპირატესობად)
- HACCP სისტემის ცოდნა და პრაქტიკული გამოყენების გამოცდილება.
- კომპიუტერული (MS Office) პროგრამების ცოდნა.
- ინგლისური ენის მინიმუმ B2 დონეზე ცოდნა
უნარ-ჩვევები:
- სტრატეგიული და ანალიტიკური აზროვნება;
- ლიდერობისა და გუნდის მართვის ძლიერი უნარები;
- ეფექტური კომუნიკაციისა და მოლაპარაკებების წარმოების უნარი;
- სწრაფად ცვალებად გარემოში მუშაობისა და ადაპტაციის უნარი;
- შედეგებსა და ხარისხზე ორიენტირებულობა;
- გადაწყვეტილებების დამოუკიდებლად მიღებისა და პასუხისმგებლობის აღების უნარი.
რას გთავაზობთ:
- ყოველწლიურად ზრდადი ანაზღაურება
- შედეგებზე ორიენტირებული ბონუს სისტემა
- კარიერული ზრდის შესაძლებლობა
- ფასდაკლება სპორტულ დარბაზებში
ვაკანსიაზე დაინტერესების შესახებ ინფორმაციის მოწოდებით, თქვენ ავტომატურად ადასტურებთ, რომ თანახმა ხართ კომპანია "დომინო`ს პიცა"-მ დაამუშავოს თქვენ მიერ მოწოდებული პერსონალური მონაცემები, მათი მოწოდებიდან 1 წლის განმავლობაში. შენახვის მიზანია დამსაქმებელმა თქვენი კანდიდატურა განიხილოს სხვა პოზიციაზე ან/და ვაკანსიის განახლების შემთხვევაში დაგიკავშირდეთ.
გისურვებთ წარმატებას და კარიერულ წინსვლას!
