ფინანსური ანალიტიკოსი
კომპანია "ას ჯორჯია" ბაზარზე 2010 წლიდან საქმიანობს და წარმოადგენს რეგიონის ერთ-ერთი უძლიერესი დეველოპერული ჰოლდინგის - "ას გრუპ ინვესტმენტის" შვილობილ კომპანიას, რომელსაც მრავალ ქვეყანაში კომპლექსური პროექტების წარმატებით განხორციელების 20-წლიანი გამოცდილება აქვს. კომპანიამ საქართველოში უკვე 200 მილიონ აშშ დოლარზე მეტი ინვესტიცია განახორციელა. მისი დასრულებული პროექტია საცხოვრებელი კომპლექსი "დირსი", ხოლო მიმდინარე პროექტია პრემიუმ კლასის საცხოვრებელი კომპლექსი "პარკ ბულვარი".
შპს "ას ჯორჯიას" აცხადებს ვაკანსიას ფინანსური ანალიტიკოსის პოზიციაზე.
სამუშაო ადგილი: თბილისი, ისანი, ბერი გაბრიელ სალოსის გამზირი
სამუშაო განაკვეთი: სრული
ანაზღაურება: შეთანხმებით
პოზიციის ზოგადი პროფილი:
განიხილება მაღალი ანალიტიკური უნარების, ფინანსური დაგეგმვისა და ბიუჯეტირების გამოცდილების მქონე სპეციალისტი, რომელიც პასუხისმგებელი იქნება კომპანიის ფინანსური საქმიანობის ანალიზზე, ფინანსური ანგარიშგებების მომზადებასა და ბიზნესის ეფექტიანობის გაუმჯობესების ხელშეწყობაზე. აღნიშნული პოზიცია მოითხოვს პროფესიონალს, რომელიც უზრუნველყოფს ფინანსური მონაცემების სიზუსტეს, ბიუჯეტების ეფექტიან მართვას, ფინანსური მაჩვენებლების შეფასებასა და ხელმძღვანელობისთვის დროული ანალიტიკური ინფორმაციის მიწოდებას.
ფუნქცია-მოვალეობები:
- ფინანსური გეგმების მომზადება და ფინანსური ანალიზის განხორციელება;
- მენეჯმენტისთვის ფინანსური და ანალიტიკური ანგარიშების მომზადება;
- პროექტებისა და ბიზნესმიმართულებების რენტაბელობის (მომგებიანობის) გაანგარიშება და ანალიზი;
- საოპერაციო ხარჯების ანალიზი და ოპტიმიზაციის შესაძლებლობების იდენტიფიცირება;
- წლიური და ყოველთვიური ბიუჯეტების მომზადება, მონიტორინგი და კონტროლი;
- ფინანსური მაჩვენებლების ანალიზი და შესაბამისი რეკომენდაციების მომზადება;
- სხვადასხვა დეპარტამენტთან აქტიური თანამშრომლობა და საჭირო ინფორმაციის დროულად მიღების უზრუნველყოფა;
- IFRS-ის სტანდარტების შესაბამისად ფინანსური ანგარიშგების მომზადებაში მონაწილეობა;
- შიდა და გარე აუდიტის პროცესებში მონაწილეობა და აუდიტორებთან ეფექტური კომუნიკაცია;
- ხელმძღვანელობისთვის გადაწყვეტილებების მიღების პროცესში ანალიტიკური მხარდაჭერის უზრუნველყოფა.
საჭირო უნარები და კომპეტენციის სფეროები:
- ანალიტიკური და კრიტიკული აზროვნება;
- დეტალებზე ორიენტირებულობა;
- დროის ეფექტური მართვის უნარი;
- მაღალი პასუხისმგებლობის გრძნობა;
- გუნდური მუშაობისა და ეფექტური კომუნიკაციის უნარი;
- შედეგზე ორიენტირებული მიდგომა;
- ინფორმაციის ანალიზისა და პრეზენტაციის უნარი.
საკვალიფიკაციო მოთხოვნები:
- უმაღლესი განათლება ფინანსების, ეკონომიკის, ბიზნესის ადმინისტრირების ან მონათესავე მიმართულებით;
- სამშენებლო სექტორსა და აუდიტორულ კომპანიებში მუშაობის მინიმუმ 2-წლიანი გამოცდილება;
- Excel-ის პროგრამის მაღალ დონეზე ცოდნა;
- ფინანსური მოდელირების, ბიუჯეტირებისა და ფინანსური ანალიზის პრაქტიკული გამოცდილება;
- IFRS-ის სტანდარტების ცოდნა;
- ინგლისური და რუსული ენების ცოდნა;
- ERP სისტემებთან მუშაობის გამოცდილება ჩაითვლება უპირატესობად.
კომპანიის შეთავაზება:
- მასშტაბურ და მაღალი სტანდარტის პროექტებზე მუშაობის შესაძლებლობა;
- სტაბილური და გრძელვადიანი თანამშრომლობა მზარდ და განვითარებაზე ორიენტირებულ ორგანიზაციაში;
- პროფესიონალური და დინამიკური სამუშაო გარემო;
- კარიერული და პროფესიული განვითარების შესაძლებლობა.
განაცხადების მიღების ბოლო ვადა: 18 ივლისი 2026
