ფილიალის უფროსი მენეჯერი — Game Zone

Game Zone აცხადებს ვაკანსიას ფილიალის უფროსი მენეჯერის პოზიციაზე

Game Zone 2010 წლიდან აერთიანებს საქართველოში გეიმინგით დაინტერესებულ მომხმარებლებს. კომპანია არის Sony PlayStation-ის ოფიციალური პარტნიორი საქართველოში.

ანაზღაურება:

• ფიქსირებული ხელფასი — 1,500 ₾;(NET)
• ფილიალის გეგმის შესრულების ბონუსი — 500₾ + დამატებითი მზარდი ბონუსი ზედა ზღვრის გარეშე.

სამუშაო ტიპი: სრული განაკვეთი

რას მართავ?

• ფილიალის გაყიდვების გეგმის შესრულების უზრუნველყოფა;
• ყოველდღიური, კვირეული და ყოველთვიური გაყიდვების მაჩვენებლების მონიტორინგი;
• სალარო და სააღრიცხვო პროცესების წარმოება — სასაწყობე პროგრამაში რეალიზაციების გატარება, ახალი კონტრაგენტების რეგისტრაცია, სალარო ოპერაციების შესრულება და შესაბამისი დოკუმენტაციის სისწორის უზრუნველყოფა.

გუნდის მართვა და განვითარება

• ექსპერტ-კონსულტანტებისა და უმცროსი ფილიალის მენეჯერის სამუშაო პროცესის მართვა;
• თანამშრომლებისთვის დავალებების განაწილება და შესრულების ხარისხის კონტროლი;
• სამუშაო გრაფიკების შედგენა და ცვლებში რესურსების ეფექტიანად გადანაწილება;
• თანამშრომელთა სამუშაო დისციპლინისა და სამუშაო ადგილზე დროულად გამოცხადების კონტროლი;
• ახალი თანამშრომლების ადაპტაციისა და სწავლების მხარდაჭერა;
• გუნდთან რეგულარული მოკლე შეხვედრების, პროდუქტის ტრენინგებისა და შედეგების განხილვის ჩატარება;
• თანამშრომლებისთვის დროული და კონკრეტული უკუკავშირის მიცემა;
• გუნდური, პასუხისმგებლიანი და შედეგზე ორიენტირებული სამუშაო გარემოს შექმნა.

ფილიალის საოპერაციო მართვა

• სალარო ოპერაციების, ფულადი დისციპლინისა და შესაბამისი დოკუმენტაციის სისწორის უზრუნველყოფა;
• პროდუქციის მიღების, გადაადგილებისა და სავაჭრო დარბაზში განთავსების პროცესის მართვა;
• პროდუქციის ასორტიმენტისა და მარაგების უწყვეტობის კონტროლი;
• ფილიალის მომარაგების საჭიროებების შესაბამის გუნდთან კომუნიკაცია;
• ფასმაჩვენებლების სისწორისა და ფასის ცვლილებების დროულად ასახვის უზრუნველყოფა;

მომხმარებლის გამოცდილება

• მომხმარებლისთვის პროდუქციის, მომსახურების, საგარანტიო პირობებისა და მიმდინარე შეთავაზებების შესახებ სწორი ინფორმაციის მიწოდების უზრუნველყოფა;
• რთული შემთხვევების, პრეტენზიებისა და პრობლემური სიტუაციების პროფესიულად მართვა;
• საჭიროების შემთხვევაში მომხმარებლისთვის უშუალო კონსულტაციის გაწევა;

მარკეტინგი და ფილიალის კონტენტი

• ციფრული მარკეტინგის გუნდთან აქტიური თანამშრომლობა;
• საკუთარი ფილიალის ვიდეოკონტენტის იდეების დაგეგმვასა და შექმნაში მონაწილეობა;

რატომ Game Zone?

• ყოველდღიური შეხება გექნება მსოფლიო გეიმინგ ინდუსტრიის ახალ პროდუქტებსა და ტენდენციებთან;
• შენს ხელში გაივლის ახალი თამაშები, კონსოლები, გეიმინგ მოწყობილობები და აქსესუარები;
• იმუშავებ მომხმარებლებთან და გუნდთან, რომლებსაც გეიმინგი რეალურად აინტერესებთ;
• მართავ არა ზოგად ტექნიკის მაღაზიას, არამედ სპეციალიზებულ გეიმინგ სივრცეს;
• თანამშრომლობ ციფრული მარკეტინგის გუნდთან და მიიღებ ვიდეოკონტენტის შექმნის პრაქტიკულ გამოცდილებას;
• გექნება შესაძლებლობა, შენი იდეები ფილიალის რეალურ აქტივობებად აქციო;
• განივითარებ საცალო გაყიდვების, გუნდის მართვის, ანალიტიკისა და ოპერაციული მენეჯმენტის უნარებს;
• მიიღებ შედეგზე დამოკიდებულ მზარდ ბონუსს ზედა ზღვრის გარეშე.

აუცილებელი მოთხოვნა:

აუცილებელია გუნდის უშუალო მართვის გამოცდილება და გუნდის საერთო შედეგებზე პასუხისმგებლობა.

უპირატესობად ჩაითვლება:

• ტექნიკის, ელექტრონიკის ან გეიმინგ პროდუქციის მიმართულებით მუშაობის გამოცდილება;
• სააღრიცხვო ან სასაწყობე პროგრამებთან მუშაობის გამოცდილება;
• ინგლისური ან რუსული ენის საკომუნიკაციო დონეზე ცოდნა;
• ბიზნესის ადმინისტრირების ან მონათესავე მიმართულებით უმაღლესი განათლება;
• სოციალური მედიის, ვიდეოკონტენტისა და გეიმინგ კულტურის მიმართ ინტერესი.

ფილიალის უფროსი მენეჯერის პოზიცია შენთვისაა, თუ:

• დამოუკიდებლად გიმართავს მაღაზია, ფილიალი, ობიექტი ან გაყიდვების გუნდი;
• პირადად ყოფილხარ პასუხისმგებელი გაყიდვების გეგმის შესრულებაზე;
• გიმუშავია გუნდის მიზნების განსაზღვრაზე, შედეგების შეფასებასა და თანამშრომლების განვითარებაზე;
• შეგიდგენია სამუშაო გრაფიკები და გიკონტროლებია სამუშაო დისციპლინა;
• გიმართავს მარაგები, ინვენტარიზაცია, სალარო და სხვა საოპერაციო პროცესები;
• შეგიძლია გაყიდვების შედეგების ანალიზი და პრობლემის მიზეზებზე დაყრდნობით სამოქმედო გეგმის შემუშავება;
• მზად ხარ დამოუკიდებლად მიიღო გადაწყვეტილებები და აიღო პასუხისმგებლობა მთელი ფილიალის შედეგზე.
• შეგიძლია კომუნიკაცია ინგლისურ ენაზე.
• გაქვს გეიმინგისა და ტექნოლოგიების მიმართ ინტერესი და ახალი პროდუქციის სწრაფად შესწავლის სურვილი.
• მზად ხარ ჩაერთო მარკეტინგულ აქტივობებსა და ვიდეოკონტენტის შექმნაში.

არ არის აუცილებელი პირველივე დღიდან ყველა თამაშისა და კონსოლის ტექნიკური დეტალის ცოდნა. მთავარია გეიმინგისა და ტექნოლოგიების მიმართ რეალური ინტერესი, მართვის გამოცდილება და ახალი ინფორმაციის სწრაფად ათვისების უნარი.

სამუშაო ლოკაციები:

• სითი მოლი საბურთალო — პეტრე ქავთარაძის №1;
• ჰოუმ მარტი ვაკე — ილია ჭავჭავაძის №37ლ;
• გალერია თბილისი — შოთა რუსთაველის გამზირი №2/4.