დეკანის აპარატის მთავარი სპეციალისტი — თბილისის სახელმწიფო უნივერსიტეტი

გამოცხადდეს კონკურსი სსიპ-ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის დეკანის აპარატში მთავარი სპეციალისტის პოზიციის დასაკავებლად.

სამუშაო პირობები

• თანამდებობრივი სარგო: 1130 (ათას ასოცდაათი) ლარი თვეში (საშემოსავლო გადასახადისა და საპენსიო ანარიცხის ჩათვლით).
• სამუშაო საათები: კვირაში არანაკლებ 40 საათისა, 09:00 სთ-დან 18:00 სთ-მდე, ყოველდღე, შაბათ-კვირის გარდა.
• გამოსაცდელი ვადა: სამი თვე (დასაქმების პერსპექტივით).

მოთხოვნები

• ბაკალავრის ხარისხი (სამართლის ან საერთაშორისო სამართლის სპეციალობით) ან იურიდიული ფაკულტეტის საბაკალავრო პროგრამის აქტიური სტატუსის მქონე სტუდენტი.
• სახელმწიფო ენაზე და ინგლისურ ენაზე გამართული წერის, კითხვის და მეტყველების უნარი.
• მაღალ დონეზე ფლობდეს საოფისე კომპიუტერულ პროგრამებს (Microsoft Office, Internet Browser).
• თსუ-ს წესდება;
• საქართველოს კანონი "უმაღლესი განათლების შესახებ";
• "იურიდიული ფაკულტეტის დებულება";
• თსუ-ში მოქმედი რეგულაციები.

პიროვნული თვისებები

• კრეატიულობა და შემოქმედებითობა.
• ყურადღებიანობა და დეტალებზე ორიენტირებულობა.
• ოპერატიულობა.
• ერთდროულად სხვადასხვა ამოცანაზე დამოუკიდებლად და ეფექტურად მუშაობის უნარი.
• გუნდურობა და კომუნიკაბელურობა.
• დასაბუთების უნარი.
• ფორსმაჟორულ სიტუაციაში მუშაობის შესაძლებლობა.
• პუნქტუალურობა და დროის ეფექტიანი მართვა.
• ცვლილებების ადეკვატურად აღქმის და სიახლეების სწრაფად ათვისების უნარი.

პასუხისმგებლობები

• დეკანისა და დეკანის მოადგილის ფუნქციების განხორციელების ხელშეწყობა.
• ფაკულტეტის ადგილობრივ და უცხოელ პარტნიორ დაწესებულებებთან კომუნიკაციის ხელშეწყობა ინტერნაციონალიზაციისა და სამეცნიერო კვლევების სამსახურთან ერთად.
• ფაკულტეტის სტუმართა ხელშეწყობა მათ მიერ განსახორციელებელი სამუშაოს შესრულებისას და ფაკულტეტის მიერ მათი მასპინძლობის ორგანიზება ინტერნაციონალიზაციისა და სამეცნიერო კვლევების სამსახურთან ერთად.
• სტუდენტებთან და სტუდენტურ ორგანიზაციებთან დეკანის ურთიერთობის კოორდინაციის ხელშეწყობა.
• დეკანის ინდივიდუალურ-სამართლებრივი აქტების სამუშაო ვერსიების მომზადების ხელშეწყობა.
• დეკანის სხვადასხვა წერილობითი მოხსენების ტექსტის მომზადების ხელშეწყობა.
• ფაკულტეტის სტაჟირების პროგრამაში ჩართული სტუდენტების კოორდინაცია.
• ტუტორიუმის პროგრამის შემუშავება, ხელმძღვანელობა, ტუტორთა ჯგუფის მომზადება.
• სხვა შესაბამისი ამოცანის შესრულება.

საჭირო დოკუმენტაცია

• განცხადება საკონკურსო კომისიის სახელზე.
• CV ქართულ ენაზე (დოკუმენტის PDF ვერსია).
• უმაღლესი განათლების დამადასტურებელი დიპლომის ასლი.
• პირადობის მოწმობის ან პასპორტის სურათიანი გვერდის ასლი.
• სქესობრივი თავისუფლებისა და ხელშეუხებლობის წინააღმდეგ მიმართული დანაშაულის ჩადენისთვის ნასამართლობის შესახებ ცნობა (ვაკანსიის დაკავების შემთხვევაში).

კონკურსში მონაწილეობის მსურველმა აპლიკანტმა დოკუმენტები უნდა წარმოადგინოს 2026 წლის 6 ივლისიდან 2026 წლის 9 ივლისის ჩათვლით 17:00 საათამდე.