ბუღალტრის ასისტენტი
კომპანია "FINA" დაფუძნებულია საქართველოში 2011 წელს. არსებობის განმავლობაში FINA-ს გუნდი ქმნის და სთავაზობს მომხმარებლებს ბიზნესის მართვისა და აღრიცხვის პროგრამულ უზრუნველყოფას სხვადასხვა მიმართულებით, რაც ბიზნესის ეფექტურობის ერთ-ერთი განმსაზღვრელი ფაქტორია. ამჟამად FINA 10-ზე მეტი პროდუქტითაა წარმოდგენილი არა მხოლოდ საქართველოს, არამედ უცხოურ ბაზარზეც და მუდმივად აგრძელებს მომხმარებლისთვის თანამედროვე, მარტივი და ეფექტური სისტემების შექმნას.
ვაკანსია: ბუღალტრის ასისტენტი
კომპანია FINA-ში ვეძებთ მოტივირებულ და პასუხისმგებლიან ბუღალტრის ასისტენტს, რომელიც დაეხმარება გუნდს ყოველდღიური საოპერაციო პროცესების მართვასა და კლიენტებთან ეფექტურ კომუნიკაციაში.
ძირითადი მოვალეობები:
- კლიენტებთან ყოველდღიური კომუნიკაცია (ტელეფონითა და სხვა საკომუნიკაციო არხებით)
- დებიტორული დავალიანებების სისტემატური მონიტორინგი და კლიენტებისთვის გადახდის შეხსენება
- მომსახურების ეტაპობრივი ზრდის/ცვლილებების შესახებ კლიენტებისთვის ინფორმაციის მიწოდება
- კომუნიკაციის შედეგების აღრიცხვა და შესაბამისი ინფორმაციის განახლება სისტემაში
- ყოველდღიური საქმიანობიდან გამომდინარე სხვა ადმინისტრაციული და საოპერაციო დავალებების შესრულება
საკვალიფიკაციო მოთხოვნები:
- უმაღლესი განათლება ფინანსების, ბუღალტერიის, ბიზნესის ადმინისტრირების ან მონათესავე მიმართულებით (სასურველია)
- ბუღალტრული მიმართულებით სამუშაო გამოცდილება (სასურველია)
- Microsoft Office-ის, განსაკუთრებით Excel-ის, საბაზისო ცოდნა
ჩვენთან თავს კომფორტულად იგრძნობ, თუ გაქვს:
- ეფექტური კომუნიკაციის უნარი
- პასუხისმგებლობის მაღალი გრძნობა
- ორგანიზებულობა და დეტალებზე ორიენტირებულობა
- დროის ეფექტურად მართვის უნარი
ჩვენ გთავაზობთ:
- კარიერული განვითარების შესაძლებლობას
- მეგობრულ და მხარდამჭერ სამუშაო გარემოს
- პროფესიული ცოდნისა და გამოცდილების მიღების შესაძლებლობას ბუღალტრული და ფინანსური მიმართულებით
დასაქმების ადგილი: თბილისი, პეკინის გამზ. N41
