აუდიტორი — ბანკი ქართუ

სს „ბანკი ქართუ“ აცხადებს ვაკანსიას ოპერაციების აუდიტის განყოფილების აუდიტორის თანამდებობაზე.

დეპარტამენტი: შიდა აუდიტის დეპარტამენტი

ადგილმდებარეობა: ქ. თბილისი, სათავო ოფისი

ფუნქციები და მოვალეობები:

• ბანკის ოპერაციული პროცესების, სისტემებისა და საქმიანობის მიმართულებით რისკზე დაფუძნებული აუდიტის მოკლევადიანი და გრძელვადიანი სამუშაო გეგმების შემუშავებაში მონაწილეობა;
• დამტკიცებული აუდიტის გეგმისა და მეთოდოლოგიის შესაბამისად აუდიტების განხორციელება; ასევე, საჭიროების შემთხვევაში თემატურ შემოწმებებში და აუდიტის სხვა პროექტებში მონაწილეობა;
• ბანკის შიდა კონტროლის სისტემის ეფექტიანობის, სანდოობისა და ადეკვატურობის შეფასება, მათ შორის საოპერაციო, საკრედიტო და საერთაშორისო საგადახდო სისტემების მიმართულებით;
• ოპერაციული, საკრედიტო, თაღლითობის და შესაბამისობის რისკების იდენტიფიცირება, ანალიზი, შეფასება და მართვის პროცესების ეფექტიანობის შემოწმება;
• შიდა პოლიტიკებისა და პროცედურების შესაბამისობის შეფასება მოქმედ კანონმდებლობასთან, საქართველოს ეროვნული ბანკის რეგულაციებთან და საუკეთესო პრაქტიკებთან;
• აუდიტის პროცესში გამოვლენილი ხარვეზების, კონტროლის სისუსტეებისა და დარღვევების დოკუმენტირება და ძირეული მიზეზების ანალიზი;
• აუდიტის ანგარიშების მომზადება, დასკვნებისა და რეკომენდაციების ჩამოყალიბება და წარდგენა;
• გაცემული რეკომენდაციების შესრულების მონიტორინგი და შემდგომი შემოწმებების (Follow-up) განხორციელება;
• შიდა აუდიტის საერთაშორისო პროფესიული სტანდარტებისა (IIA Standards) და ეთიკის კოდექსის მოთხოვნების დაცვა.

საკვალიფიკაციო მოთხოვნები:

სავალდებულო:

• მინიმუმ 3 წლიანი სამუშაო გამოცდილება შიდა აუდიტის, რისკების მართვის, შიდა კონტროლის, ფინანსური ან საბანკო ოპერაციების, მათ შორის საკრედიტო და/ან პლასტიკური ბარათების მიმართულებით;
• უმაღლესი განათლება ფინანსების, ეკონომიკის, ბიზნესის ადმინისტრირების, აუდიტის ან სხვა შესაბამის სფეროში;
• საქართველოს ეროვნული ბანკის რეგულაციების და საბანკო კანონმდებლობის ცოდნა;
• საბანკო პროდუქტების, პროცესებისა და ინფორმაციული სისტემების ცოდნა;
• ქართული და ინგლისური ენების სრულყოფილი ცოდნა;
• ძლიერი ანალიტიკური უნარები და დამოუკიდებლად მუშაობის შესაძლებლობა.

სასურველი:

• პროფესიული სერტიფიკატების ფლობა (ACCA, CFA, CIA, CISA ან სხვა);
• საბანკო საქმიანობის მარეგულირებელი ჩარჩოსა და საერთაშორისო აუდიტის სტანდარტების ცოდნა;
• მონაცემთა ანალიზისა და აუდიტორული პროგრამული ინსტრუმენტების გამოყენების გამოცდილება.

უნარები და თვისებები:

• სტრატეგიული და ანალიტიკური აზროვნება;
• მაღალი პასუხისმგებლობის გრძნობა;
• დეტალებზე ორიენტირებულობა;
• გუნდური და დამოუკიდებლად მუშაობის უნარი;
• კონფიდენციალურობის დაცვის მაღალი სტანდარტი;
• ორგანიზებულობა და დროის ეფექტიანი მართვა;
• ობიექტურობა და პროფესიული ეთიკის დაცვა;
• კომუნიკაციისა და დიპლომატიური ურთიერთობის უნარი;
• პროფესიული განვითარებისკენ მუდმივი სწრაფვა.