ასოცირებული პარტნიორი/სამართლებრივი პრაქტიკის ხელმძღვანელი- ბათუმი — ქომერშალ ლოუ სერვისის

იურიდიული კომპანია "Commercial Law Services (CLS)" ახორციელებს იურიდიულ მომსახურებას 2002 წლიდან. სპეციალიზებული - კომერციული სამართლის მიმართულებით.

კომპანია აცხადებს ვაკანსიას შემდეგ პოზიციაზე: ასოცირებული პარტნიორი / სამართლებრივი პრაქტიკის ხელმძღვანელი

მისამართი: ბათუმი, სტეფანე ზუბალაშვილის N37, სადარბაზო 6, ოფისი 25ბ

შესასრულებელი ფუნქციები:

• კლიენტებთან სრული კომუნიკაცია, შემოსულ საქმეებზე მომსახურების პირობების (მათ შორის ჰონორარის) შეთანხმება, ხელშეკრულებების გაფორმება, მათთან ანგარიშსწორების კონტროლი;
• იურიდიული პრაქტიკის მართვა, შემოსული საქმეების გაცნობა, პირველადი შეფასება, დავალებების განაწილება ოფისის იურისტებზე/ადვოკატებზე.
• ოფისის იურისტების/ადვოკატების საქმიანობის კოორდინაცია, გაცემული დავალებების შესრულების კონტროლი;
• ადვოკატების/იურისტების თვიური დატვირთვების დამოწმება;
• შემოსული განცხადებების/წინადადებების განხილვა და შეფასება;
• პრაქტიკის განვითარება, ახალი სერვისების დანერგვა;
• ახალი კლიენტების მოზიდვა;
• რისკების შეფასება და ხარისხის კონტროლი.

მოთხოვნები კანდიდატისადმი:

• საადვოკატო საქმიანობის მინიმუმ 5 წლიანი გამოცდილება (სამოქალაქო სამართლის და/ან საერთო სპეციალიზაციით);
• იურიდიულ სფეროში საქმიანობის პრაქტიკული უნარ-ჩვევები;
• საქმიანი და იურიდიული დოკუმენტაციის შედგენა;
• ლიდერობა, პასუხისმგებლობა, გუნდური მუშაობა, გადაწყვეტილების მიღების უნარი;
• კორექტულობა, კეთილგანწყობა და პროფესიული ეთიკა;
• უცხო ენაზე თავისუფლად კომუნიკაცია (უპირატესობა ენიჭება რუსულ და ინგლისურ ენებს).

სამუშაო პირობები:

• საერთაშორისო სტანდარტებით მოწყობილი და აღჭურვილი საკუთარი ოფისი, ქ. ბათუმში, საქალაქო სასამართლოს მიმდებარედ;
• ინტელექტუალური მუშაობისათვის მყუდრო, კომფორტული და მეგობრული გარემო;
• სამუშაო რეჟიმი: კვირაში არანაკლებ 48 სთ-ი, საკუთარი დაგეგმვით.

ბენეფიტები:

• პროფესიული ზრდის და განვითარების პერსპექტივა;
• ახალი კონტაქტები;
• კომპანიის/მისი გუნდის პროფესიული რეპუტაცია.

ანაზღაურება:

• პირადად წარმოებულ საქმეებზე -კლიენტთან შეთანხმებული მომსახურების ღირებულების - 80% ბრუტო ჰონორარი (საშემოსავლო და საპენსიო გადასახადის ჩათვლით);
• იურიდიული პრაქტიკის ხელმძღვანელობა (ოფისის ადვოკატების /იურისტების წარმოებაში არსებული საქმეებიდან) - შეთანხმებული პროცენტი მომსახურების ღირებულებიდან, დავალების შესრულებაში ჩართულობის გათვალისწინებით;
• სხვა დატვირთვებიდან - ინდივიდუალურად, დავალების სირთულის, შესრულებაზე დახარჯული დროის და სხვა კრიტერიუმების გათვალისწინებით.

შენიშვნა:

• კონკრეტული კლიენტის დავალების (მომსახურების) ღირებულებას განსაზღვრავს ასოცირებული პარტნიორი / სამართლებრივი პრაქტიკის ხელმძღვანელი;
• ჰონორარი გაიცემა, მხოლოდ კლიენტის მიერ ფაქტობრივად ანაზღაურებულ მომსახურებაზე.

წინადადებების მიღების ვადა - 30 ივნისამდე.