ადმინისტრაციული მხარდაჭერისა და უზრუნველყოფის სპეციალისტი
"ორკინი საქართველო" გეპატიჟებათ კარიერის შესაქმნელად კომერციული/სამომხმარებლო ინდუსტრიაში ადმინისტრაციული მხარდაჭერისა და უზრუნველყოფის სპეციალისტის კანდიდატურაზე - შექმენით ან განაახლეთ რეზიუმე და მიიღეთ გამოცდილება გლობალურ ბრენდებთან და გამოცდილ ინვესტორებთან თანამშრომლობით.
"ორკინი საქართველო" (შპს სამომხმარებლო მომსახურება) წარმოადგენს წამყვან მულტინაციონალურ ჯგუფს Orkin International, რომელიც მსოფლიოს 65 ქვეყანაში ემსახურება ბიზნესსა და ფიზიკურ პირებს მავნებლის პრევენციის და კონტროლის მიმართულებით (დერატიზაცია, დეზინსექცია, დეზინფექცია და დაკავშირებული სხვა სპეციალიზებული მომსახურება).
პირობები და სხვა დეტალები:
- გრაფიკი: სრული განაკვეთი
- მისამართი: ვაჟა-ფშაველას გამზირი N71
- ანაზღაურება/პირობები: გასაუბრებისას მოლაპარაკებით
- ბენეფიტები: კორპორატიული ნომერი, ჯანმრთელობის დაზღვევა
აღწერილობა და პასუხისმგებლობები:
- კონტრაქტორებთან ურთიერთობა სხვადასხვა უზრუნველყოფის მიზნით;
- ავტომობილის ჯარიმის, პარკინგის და ტექ. დათვალიერების კონტროლი, თვის პირველ რიცხვში გასულ თვეზე რეპორტის მომზადება;
- მივლინებების სასტუმროების ჯავშნების უზრუნველყოფა, დღიური ნორმების გამოყვანა და ფინანსურ სამსახურში დოკუმენტების წარდგენა;
- შესაბამის რამდენიმე მიმართულებაზე Rs.ge-ზე ანგარიშ-ფაქტურებისა და ზედნადების შინაარსობრივი კონტროლი, დასტური ან უარყოფა, მოთხოვნის გაგზავნა და შეხსენება;
- ავტომობილის შესყიდვის ხელშეკრულებების და მიღება-ჩაბარების აქტის შედგენა;
- ავტო-სადაზღვევო ინციდენტის მოკვლევა-რეაგირება, ინციდენტის ბრალეულობისა და საბუთების მოკვლევა (დარეკვა ცხელ ხაზზე და ინფორმაციის მიწოდება, მომართვის წერილების გამზადება სადაზღვევოსთვის და ჩართულობა რათა მოხდეს თანხების დროული ჩარიცხვა სერვის ცენტრებში);
- თანამშრომლების სატრანსპორტო უზრუნველყოფა;
- ოფისების სამეურნეო უზრუნველყოფა/ზედამხედველობა;
- სხვადასხვა აქტივობების (თიმბილდინგი, კორპორატიული) დაგეგმვა/ორგანიზებაში მონაწილეობის მიღება;
- სხვა საოფისე, ადმინისტრაციული მხარდაჭერა, უზრუნველყოფა და შესყიდვა.
საკვალიფიკაციო მოთხოვნები:
- ზეპირი და წერილობითი კომუნიკაციის კარგი უნარი;
- MS Office-ის პროგრამების: Word, Excel, PowerPoint, Outlook-ის საბაზისო ცოდნა;
- სასურველია, მაგრამ არა სავალდებულო დამწყები ეტაპის სამუშაო გამოცდილება;
- სასურველია ინგლისური ენის ცოდნა.
პიროვნული და ხასიათობრივი მახასიათებლები უფრო მნიშვნელოვანია ვიდრე კვალიფიკაცია!
- ინტერესი და ცნობისმოყვარეობა აუცილებელია; ასევე ინიციატივა, ინიციატივა და ინიციატივა;
- პედანტი უნდა იყოს, ყურადღებიანი და ორგანიზებული საბუთებთან, სისტემებთან და ადამიანებთან ურთიერთობაში;
- გააჩნდეს ანალიტიკური აზროვნების უნარი (ბიზნეს-პროცესების ანალიზი)
- უნდა შეეძლოს კოლეგებთან კოლექტიური მუშაობა, გაუმკლავდეს ძალაუნებურად წარმოშობილ კონფლიქტებს და იყოს ორგანიზაციის და ბრენდის გულშემატკივარი;
- უნდა აკონტროლოს საკუთარი დღის წესრიგი და დისციპლინით მოექცეს მიმდინარე ამოცანებს;
- კანდიდატი სასურველია, იმედითა, ინტერესით და ენთუზიაზმით უდგებოდეს სამსახურს, უნდა აინტერესებდეს მომსახურების სფერო და ფართო საზოგადოებისთვის საქმიანი სიკეთის/დოვლათის შექმნის ცხოვრების სტილი;
- საჭიროა რომ ახალ დარგს და ახალ ტექნიკურ სპეციალობას აუღოს ალღო, უნდოდეს რომ მოისმინოს, გააუმჯობესოს და ისწავლოს დღითი დღე;
- კანდიდატს უნდა გააჩნდეს თვით-მოტივაციის უნარი, პასუხისმგებლობის შეგრძნება და დროის განრიგის შეგრძნება;
- კანდიდატს უნდა შეეძლოს სამართლიანი შენიშვნის მიღება, სამართლიანი საყვედურის მოსმენა და შემდეგ ნამუშევრის გაუმჯობესება შენიშვნის თუ საყვედურის შესაბამისად;
- აუცილებელია, რომ კანდიდატს ჰქონდეს სურვილი და ამბიცია, რომ არ მოცდეს სამუშაო დროის განმავლობაში;
- მუდმივად ეცადოს დეტალების გამოძიება და სიზუსტის დაცვა. არ დაიზაროს დეტალების გადამოწმება და აუცილებელ რუტინასთან გამკლავება.
